ବିବାହରେ ସାଙ୍ଗର ଶାଳୀକୁ ଦେଖି ଭଲ ପାଇ ବସିଲା ଅଭିଯୁକ୍ତ, ୫ଦିନ ପରେ କଲା ସ୍ତ୍ରୀର ହତ୍ୟା
ନୋଏଡା : ଉତ୍ତରପ୍ରଦେଶର ନୋଏଡାରେ ୩ମାସ ତଳେ ଘଟିଥିବା ଏକ ହତ୍ୟା ଘଟଣା ଉପରୁ ପରଦା ଉଠାଇଛି ପୁଲିସ । ୩ମାସ ତଳେ ଜଣେ ମହିଳାଙ୍କ ମୃତଦେହ ମିଳିଥିବା ବେଳେ ଏବେ ମହିଳାଙ୍କ ସ୍ୱାମୀ ହିଁ ତାଙ୍କୁ ହତ୍ୟା କରିଥିଲେ ବୋଲି ସାମ୍ନାକୁ ଆସିଛି । ପ୍ରଥମେ ଜଙ୍ଗଲି ପଶୁ ଆକ୍ରମଣରେ ସ୍ତ୍ରୀ ମୃତ୍ୟୁବରଣ କରିଥିବା ନେଇ ଅଭିଯୁକ୍ତ ସ୍ୱାମୀ ପୁଲିସକୁ ଜଣାଇଥିବା ବେଳେ ଏବେ ପ୍ରକୃତ ଦୋଷୀ ଅଭିଯୁକ୍ତ ସ୍ୱାମୀକୁ ଗିରଫ କରି ନେଇଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ସୂଚନା ମୁତାବକ, ମାର୍ଚ୍ଚ ୮ରେ ମହିଳାଙ୍କ ମୃତଦେହ ମିଳିବା ପରେ ଅଭିଯୁକ୍ତ ସ୍ୱାମୀ ପଶୁ ଆକ୍ରମଣ ବୋଲି କହି ମାମଲାକୁ ଦବାଇବାକୁ ଚେଷ୍ଟା କରିଥିଲେ । କିନ୍ତୁ ପୀଡ଼ିତାଙ୍କ ବାପ ଘର ଲୋକେ ହତ୍ୟା ଅଭିଯୋଗ ଆଣି ଯାଞ୍ଚ ପାଇଁ ଦାବି କରିଥିଲେ । ଯାଞ୍ଚ ସମୟରେ ପୀଡ଼ିତାଙ୍କ ସ୍ୱାମୀ ଉପରେ ପୁଲିସର ନଜର ଯାଇଥିଲା । ଯାହା ପରେ ପୁଲିସ ଅଟକ ରଖି ଅଭିଯୁକ୍ତକୁ ପଚରାଉଚରା କରିଥିଲା । ପଚରାଉଚରା ପରେ ଅଭିଯୁକ୍ତଜଣଙ୍କ ସତ ମାନି ନେଇଥିଲେ । ମାର୍ଚ୍ଚ ୩ରେ ସେ ନିଜର ଜଣେ ବନ୍ଧୁଙ୍କ ବିବାହକୁ ଯାଇଥିବା ବେଳେ ତାଙ୍କ ଶାଳୀ ଉପରେ ଅଭିଯୁକ୍ତର ମନ ଆସି ଯାଇଥିଲା । କିନ୍ତୁ ସ୍ତ୍ରୀ ରାସ୍ତାର କଣ୍ଟା ସାଜୁଥିବାରୁ ଅଭିଯୁକ୍ତ ଜଣଙ୍କ ଯୋଜନାବନ୍ଧ ଭାବେ ପୀଡ଼ିତାଙ୍କୁ ହତ୍ୟା କରିଥିଲା ।