୯ବର୍ଷୀୟା ଦଳିତ ନାବାଳିକାକୁ ଦୁଷ୍କର୍ମ କରାଯିବା ପରେ ଦଣ୍ଡ ଦେବା ପରିବର୍ତ୍ତେ ପରିବାରକୁ ପୁଲିସରେ ଅଭିଯୋଗ କରିବାକୁ ରୋକିଲା ପଞ୍ଚାୟତ
ଡେରାଡୁନ୍ : ଠେରୀ ଜିଲ୍ଲାରେ ଜଣେ ୯ବର୍ଷୀୟା ଦଳିତ ନାବାଳିକା ସହ ଦୁଷ୍କର୍ମ କରାଯିବା ଘଟଣାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇ ଯାଇଛି । ସବୁଠାରୁ ଆଶ୍ଚର୍ଯ୍ୟ କଲାଭଳି କଥା ହେଉଛି, ନ୍ୟାୟ ଦେବାକୁ ଥିବା ପଞ୍ଚାୟତ ନ୍ୟାୟ କରିବା ପରିବର୍ତ୍ତେ ପୀଡ଼ିତାଙ୍କ ପରିବାରକୁ ଏ ସଂପର୍କରେ ପୁଲିସରେ ଅଭିଯୋଗ କରିବାକୁ ଅଟକାଇଥିଲେ । କିନ୍ତୁ ୭ଘଣ୍ଟା ପରେ ପୀଡ଼ିତାଙ୍କ ପରିବାର ଘରୁ ବାହାରି ପୁଲିସରେ ଅଭିଯୋଗ କରିବାରେ ସଫଳ ହୋଇଥିଲେ । ଅଭିଯୋଗ ପାଇ ପୁଲିସ ଅଭିଯୁକ୍ତକୁ ଗିରଫ କରି ନେଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଭିଯୁକ୍ତ ନୀତିନ ସିଂହ ପଓ୍ଵାର ମିଠା ଦେବା ବାହାନାରେ ନିଜ ମିଠା ଦୋକାନକୁ ଡ଼ାକି ପୀଡ଼ିତାଙ୍କ ସହ ଦୁଷ୍କର୍ମ କରିଥିଲା । ଦୁଷ୍କର୍ମ ପରେ ପୀଡ଼ିତା ନିଜ ଘରକୁ ଯାଇ ମାତା-ପିତାଙ୍କୁ ପୂରା ଘଟଣା ଜଣାଇଥିଲେ । ଅଭିଯୁକ୍ତ ଉଚ୍ଚ ଜାତିର ହୋଇଥିବାରୁ ପଞ୍ଚାୟତ ଏହି ଘଟଣାକୁ ଦବାଇବା ପାଇଁ ଚେଷ୍ଟା କରିବା ସହ ପୀଡ଼ିତାଙ୍କ ପରିବାରକୁ ପୁଲିସରେ ଅଭିଯୋଗ କରିବାକୁ ରୋକିଥିଲେ । ୭ଘଣ୍ଟା ଅଟକ ରହିବା ଦ୍ୱାରା ପୀଡ଼ିତାଙ୍କ ପ୍ରାଥମିକ ଚିକିତ୍ସା ମଧ୍ୟ ହୋଇ ପାରି ନଥିଲା । ୭ଘଣ୍ଟା ପରେ ପୀଡ଼ିତାଙ୍କ ପରିବାର ପୁଲିସ ପାଖରେ ପହଞ୍ଚି ଅଭିଯୋଗ କରିବା ସହ ଡ଼ାକ୍ତରୀ ପରୀକ୍ଷା ପାଇଁ ପୀଡ଼ିତାଙ୍କୁ ଡୁନ୍ ହସ୍ପିଟାଲକୁ ନିଆଯାଇଥିଲା ।