ନୂଆଦିଲ୍ଲୀ: ସୋସିଆଲ ମିଡିଆରେ ପ୍ରତିଦିନ ବିଭିନ୍ନ ପ୍ରକା୍ର ଭିଡିଓ ଭାଇରାଲ ହୋଇଥାଏ। ତେବେ ଲୋକେ ଭିଡିଓ ଭାଇରାଲ ପାଇଁ ବିଭିନ୍ନ ପ୍ରକାର ଉପାୟ ଅପଣାଉଥିବା ଦେଖିବାକୁ ମିଳୁଛି। ଏଥିମଧ୍ୟରୁ ଏମିତି କିଛି ଭିଡିଓ ରହିଛି ଯାହାକୁ ଲୋକେ ଭାଇରାଲ ପାଇଁ କରୁଥିବା ବେଳେ ତାହା ସେମାନଙ୍କ ଉପରେ ଭାରି ପଡ଼ିଯାଏ।

Advertisment

ନିକଟରେ ଏମିତି ଏକ ଘଟଣା ଘଟିଛି। ଜଣେ ଯୁବକ ଭିଡିଓ ଭାଇରାଲ ପାଇଁ ଚଳନ୍ତା ସ୍କୁଟିରେ ସ୍ନାନ କରୁଥିବା ଦେଖିବାକୁ ମିଳୁଛି। ଏହି ଘଟଣାଟି ତାମିଲନାଡ଼ୁର ଥାନଜାଭୁରରେ ଘଟିଛି। ଭାଇରାଲ ଭିଡିଓରେ ଦେଖିବାକୁ ମିଳୁଛି, ପ୍ରବଳ ଗରମ ପଡ଼ିଥିବାରୁ ଜଣେ ଯୁବକ ରାସ୍ତାରେ ସ୍କୁଟି ଚଲାଇ ଯାଉଛନ୍ତି। ଏହି ସମୟରେ ସେ ସ୍କୁଟି ସାମ୍ନାରେ ଏକ ବାଲଟି ରଖିଛନ୍ତି । ସ୍କୁଟି ଚଲାଉଥିବା ବେଳେ ଉକ୍ତ ବାଲଟିରୁ ମଗେମଗେ ପାଣି ନେଇ ସେ ମୁଣ୍ଡରେ ଢ଼ାଳୁଛନ୍ତି।

ତେବେ ଏଦୃଶ୍ୟକୁ ଉକ୍ତ ରାସ୍ତା ଦେଇ ଯାଉଥିବା କେହିଜଣେ ଫୋନ କ୍ୟାମେରାରେ କୈଦ କରି ନେଇଥିଲେ। ଆଉ ସୋସିଆଲ ମିଡିଆରେ ପୋଷ୍ଟ କରିଥିଲେ। ଭିଡିଓଟି ଘୁରିଘୁରି ଯେତେବେଳେ ପୁଲିସ ନିକଟରେ ପହଞ୍ଚିଥିଲା ଯାଞ୍ଚ ଆରମ୍ଭ ହୋଇଥିଲା। ପୁଲିସ ଏହି ଘଟଣାରେ ସମ୍ପୃକ୍ତ ଥିବା ଯୁବକଙ୍କ ବିରୋଧରେ ଜରିମାନା ଲାଗୁ କରିଛି। ଏହି ଜରିମାନା ରାଶି ୨୦୦୦ ଟଙ୍କା ରହିଥିବା କୁହାଯାଉଛି।