ପ୍ରେମିକ ସହ ରହିବା ପାଇଁ ସ୍ୱାମୀକୁ ହତ୍ୟା କରି ଶୋଇବା ଘରେ ପୋତି ଥିଲା ସ୍ତ୍ରୀ, ତା’ ପରେ…
ପଟନା : ବିହାରର ଗୟା ଜିଲ୍ଲାରେ ଘଟିଛି ଏକ ଦୁଃଖଦ ଘଟଣା । ପ୍ରେମିକ ପାଇଁ ସ୍ୱାମୀକୁ ମାରି ସ୍ତ୍ରୀ ଘରେ ପୋତି ଦେବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଥିବା ବେଳେ ମହିଳାଙ୍କର ଏ ଭଳି କାମ ସମସ୍ତଙ୍କୁ ଅଶ୍ଚର୍ଯ୍ୟ କରିଛି । ଏହି ଅପରାଧ ପରେ ପୁଲିସ ଅଭିଯୁକ୍ତ ମହିଳାଙ୍କୁ ଗିରଫ କରିବା ସହ ସେ ଦେଇଥିବା ସୂଚନା ଅନୁସାରେ ସନ୍ଧାନ କରି ମୃତଦେହକୁ ଜବତ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ହାହେସାଡ଼ି ଗ୍ରାମରେ ରହୁଥିବା ବାସୋ ତୁରୀଙ୍କ ହତ୍ୟା ତାଙ୍କ ସ୍ତ୍ରୀ ଯମୁନୀ ଦେବୀ ଏବଂ ତାଙ୍କ ପ୍ରେମିକ କରିଥିବା ତଦନ୍ତରୁ ସ୍ପଷ୍ଟ ହୋଇଛି । ଏକ ସପ୍ତାହ ପୂର୍ବରୁ ବାସୋ ତୁରୀ ନିଜ ଘରେ ଗାଁର କିଛି ଲୋକଙ୍କୁ ନେଇ ଏକ ଭୋଜିର ଆୟୋଜନ କରିଥିଲେ । ସେହି ଦିନଠାରୁ ତାଙ୍କର କିଛି ଖୋଜ୍ ଖବର ମିଳି ନଥିଲା । ଅନ୍ୟ ପକ୍ଷରେ ତାଙ୍କ ସ୍ତ୍ରୀ ନିଜ ପ୍ରେମିକ ସାହାଯ୍ୟରେ ତାଙ୍କୁ ହତ୍ୟା କରି ନିଜର ଶୋଇବା ଘରେ ପୋତି ଦେବା ସହ ନିଜ ପ୍ରେମିକ ସହ ସେ ଘରେ ରହିବାକୁ ଲାଗିଥିଲେ । କିଛି ଦିନ ପରେ ଶବଟିକୁ ବେଶି ଗଭୀରରେ ପୋତା ଯାଇ ନ ଥିବାରୁ ସେଥିରୁ ଦୁର୍ଗନ୍ଧ ବାହାରିବାକୁ ଲାଗିଥିଲା । କ’ଣ କରିବେ ବୋଲି ଭାବି ଯମୁନୀ ଦେବୀ ଗାଁର ସରପଞ୍ଚ ଦେଓ୍ଵନ୍ତି ଦେବୀଙ୍କୁ ସାହାଯ୍ୟ କରିବା ପାଇଁ ଲାଞ୍ଚ ଦେଇଥିଲେ । ସବୁ ବିଷୟରେ ଜାଣି ଯମୁନୀ ଦେବୀଙ୍କୁ ସାହାଯ୍ୟ କରିବା ପରିବର୍ତ୍ତେ ପୁଲିସକୁ ଜଣାଇଥିଲେ ଦେଓ୍ଵନ୍ତି ଦେବୀ । ଏହା ପରେ ପୂରା ଘଟଣା ସାମ୍ନାକୁ ଆସିଥିଲା ।