ପ୍ରେମିକକୁ ଭାଇ କହି ଶାଶୁ ଘରକୁ ଡ଼ାକିଲା ପ୍ରେମିକା, ସ୍ୱାମୀକୁ ବିଷ ଦେଇ ଫେରାର ହେବାର ଯୋଜନା ଥିବା ବେଳେ ଧରିଲା ପୁଲିସ
ପାଟନା: ବିହାରର ମୁଜାଫରନଗରରେ ଘଟିଥିବା ଘଟଣା ଏବେ ସେ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ସ୍ୱାମୀକୁ ବିଷ ଦେଇ ପ୍ରେମିକ ସହ ଫେରାର ହେବାର ଯୋଜନା ଥିବା ବେଳେ ସେମାନଙ୍କ ଯୋଜନାକୁ ପଣ୍ଡ କରିଛି ପୁଲିସ । ସ୍ୱାମୀକୁ ବିଷ ଦେବା ପାଇଁ ସ୍ତ୍ରୀ ନିଜ ପ୍ରେମିକକୁ ଭାଇର ପରିଚୟ ଦେଇ ଘରକୁ ଡ଼ାକିଥିବା ଜଣାପଡ଼ିଛି । ଏ ଘଟଣା ପରେ ପୀଡ଼ିତଙ୍କୁ ହସ୍ପିଟାଲ ନିଆଯିବା ସହ ଦୁଇ ଅଭିଯୁକ୍ତଙ୍କୁ ଗିରଫ କରିଛି ପୁଲିସ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ,ଜୁନ୍ ୨୫ରେ ଅଭିଯୁକ୍ତ ବନ୍ଦନାଙ୍କ ବିବାହ ମୁଜାଫରପୁରର ମିଠାନପୁରରେ ରହୁଥିବା ଅବିନାଶଙ୍କ ସହ ହୋଇଥିଲା । ବନ୍ଦନା ଏହି ବିବାହରେ ଖୁସି ନ ଥିବାରୁ ସେ ଏହି ବିବାହକୁ ଭାଙ୍ଗିବାକୁ ଚାହିଁଥିଲେ, ଯେଉଁଥି ପାଇଁ ସେ ନିଜ ପ୍ରେମିକାକୁ ଭାଇ ବୋଲି ପରିଚୟ ଦେଇ ଶାଶୁ ଘରକୁ ଡ଼ାକିଥିଲେ । ରାତିରେ ପାର୍ଟି କରିବା ବାହାନାରେ ୩ ଜଣ ମୃଦୁପାନୀୟ ପିଇବା ସହ ବନ୍ଦନା ଅବିନାଶଙ୍କ ମୃଦୁପାନୀୟରେ ବିଷ ମିଶାଇ ଦେଇଥିଲେ । ପିଇବା ପରେ ଅବିନାଶଙ୍କ ଅବସ୍ଥା ଗମ୍ଭୀର ହେବାରୁ ପରିବାର ଲୋକେ ତାଙ୍କୁ ହସ୍ପିଟାଲ ନେବା ସହ ବନ୍ଦନା ଏବଂ ତାଙ୍କ ପ୍ରେମିକଙ୍କ ଉପରେ ସନ୍ଦେହ କରିଥିଲେ । ଏ ନେଇ ପୁଲିସକୁ ସୂଚନା ଦିଆଯିବା ପରେ ପୁଲିସ ଘଟଣାସ୍ଥଳରେ ପହଞ୍ଚି ଦୁହିଁଙ୍କୁ ପଚରାଉଚରା କରିଥିଲା । ପ୍ରଥମେ ବନ୍ଦନା ମାନି ନ ଥିବା ବେଳେ ପରେ ସେ ନିଜ ଦୋଷକୁ ମାନିଥିଲେ ।