ଅଭିନୟ କରିବାର ଅଫର ଦେଇ ଦୁଷ୍କର୍ମ କଲେ ୟୁଟ୍ୟୁବର, ବନାଇଲେ ଭିଡିଓ
ନୂଆଦିଲ୍ଲୀ : ଦିଲ୍ଲୀରେ ରହୁଥିବା ଜଣେ ମହିଳା ନୋଏଡାର ଜଣେ ୟୁଟ୍ୟୁବରଙ୍କ ଉପରେ ଦୁଷ୍କର୍ମର ଆରୋପ ଲଗାଇଛନ୍ତି । ଅଭିନୟ କରିବାର ସୁଯୋଗ ଦେବି ବୋଲି କହି ଏକ ଗେଷ୍ଟ ହାଉସକୁ ଡ଼କାଇଥିଲେ ଅଭିଯୁକ୍ତ । ଯାହା ପରେ ଅଭିନୟର ସୁଯୋଗ ବିଷୟରେ କଥା ହେବା ପରିବର୍ତ୍ତେ ଅଭିଯୁକ୍ତ ପୀଡ଼ିତାଙ୍କ ସହ ଦୁଷ୍କର୍ମ କରିବା ସହ ଭିଡିଓ ବନାଇ ଥିଲେ । ପରେ ସେହି ଭିଡିଓ ଭାଇରାଲ କରିବାର ଧମକ ଦେଇ ପୀଡ଼ିତାଙ୍କଠାରୁ ୨ଲକ୍ଷ ଟଙ୍କା ନେଇଥିଲେ ଅଭିଯୁକ୍ତ । ବାରମ୍ବାର ବ୍ଲାକ୍ମେଲ କରୁଥିବାରୁ ପୀଡ଼ିତା ମହିଳା ଥାନାରେ ଅଭିଯୋଗ କରିବା ସହ ଏତଲା ରୁଜୁ କରି ତଦନ୍ତ ଆରମ୍ଭ କରିଛି ପୁଲିସ । ଅଭିଯୁକ୍ତର ନାଁ ଗୌରବ ଯାଦବ ବୋଲି ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗୌରବ ପୀଡ଼ିତାଙ୍କୁ ନିଜ ୟୁଟ୍ୟୁବ୍ ଚ୍ୟାନେଲରେ ଅଭିନୟ କରିବାର ସୁଯୋଗ ଦେବା ପାଇଁ ମାର୍ଚ୍ଚ ୬ରେ ନିଜ ଗେଷ୍ଟ ହାଉସକୁ ଡ଼କାଇଥିଲେ । ଏହା ପରେ ପୀଡ଼ିତାଙ୍କୁ ନିଶା ଦେଇ ତାଙ୍କ ସହ ଦୁଷ୍କର୍ମ କରିଥିଲେ । ଏହି ସମୟରେ ରୁମ୍ ଭିତରେ ଲାଗିଥିବା କ୍ୟାମେରାରେ ଦୁଷ୍କର୍ମର ଦୃଶ୍ୟ ରେକର୍ଡ ହୋଇ ଯାଇଥିଲା । କିନ୍ତୁ ପୀଡ଼ିତାଙ୍କୁ ଦୁଷ୍କର୍ମ ବିଷୟରେ କିଛି ବି ଜଣା ପଡ଼ି ପାରି ନଥିଲା ।
ଦୁଇ ଦିନ ପରେ ଅଭିଯୁକ୍ତ ପୁଣି ଥରେ ନିଜ ଗେଷ୍ଟ ହାଉସକୁ ପୀଡ଼ିତାଙ୍କୁ ଡ଼କାଇ ଟଙ୍କା ମାଗିବା ଆରମ୍ଭ କରିଥିଲେ । ଯାହା ପରେ ତାଙ୍କ ସହ ଦୁଷ୍କର୍ମ ହୋଇଥିବା ପୀଡ଼ିତା ଜାଣିବାକୁ ପାଇଥିଲେ । ପ୍ରଥମେ ସେ ଭିଡିଓ ଭାଇରାଲ ହେବା ଡ଼ରରେ ୨ଲକ୍ଷ ଟଙ୍କା ଦେଇଥିବା ବେଳେ ପରେ ଆହୁରି ଟଙ୍କା ମାଗିବାରୁ ପୀଡ଼ିତା ଏବେ ପୁଲିସରେ ଅଭିଯୋଗ କରିଥିବା ଜଣାପଡ଼ିଛି ।