ଦୁଇ ବେଆଇନ ପାଥୋଲାବ୍ ସିଲ୍
ଘଟଗାଁ/ଢେଙ୍କିକୋଟ : ଘଟଗାଁ ବ୍ଲକ୍ସ୍ତରୀୟ ଟାସ୍କଫୋର୍ସ ଓ ଏନଫୋର୍ସମେଣ୍ଟ କମିଟି ପକ୍ଷରୁ ଅତର୍କିତ ଚଢ଼ଉ କରାଯାଇ ଢେଙ୍କିକୋଟ ଡାକ୍ତରଖାନା ସମ୍ମୁଖରେ ଥିବା ଦୁଇଟି ବେଆଇନ ପାଥୋଲାବ୍କୁ ସିଲ୍ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ପ୍ରାପ୍ତ ସୂଚନା ଅନୁସାରେ, ଗଣ୍ଡଶିଳାର କେଦାରନାଥ ମହାନ୍ତ ଓ ଭୋଳବେଡ଼ାର ରମ୍ୟରଂଜନ ମହାନାୟକ ଢେଙ୍କିକୋଟ ନୂତନ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଆଗରେ ଦୀର୍ଘଦିନ ହେବ ବେଆଇନ ଭାବେ ପାଥୋଲାବ୍ ଖୋଲି ରକ୍ତ, ମଳ, ମୂତ୍ର ଓ ଅନ୍ୟାନ୍ୟ ପରୀକ୍ଷା କରିବା ସହ ରୋଗୀ ଚିକିତ୍ସା ମଧ୍ୟ କରୁଥିବା ଅଭିଯୋଗ ହୋଇଆସୁଥିଲା। ଆଜି ଟାସ୍କଫୋର୍ସ ଓ ଏନଫୋର୍ସମେଣ୍ଟ କମିଟି ଅଚାନକ ଚଢ଼ଉ କରି ପାଥୋଲାବ୍ ଦୁଇଟିକୁ ସିଲ୍ କରିଛି। ତଦନ୍ତ ପରେ ପାଥୋଲାବ୍ ଗୁଡ଼ିକ ଉପରେ ଜରିମାନା କରାଯିବ। ଆଜିର ଚଢ଼ଉରେ ତହସିଲଦାର ଜନକ କୁମାର ନାୟକ, ବିଡିଓ ନାରାୟଣ ସାହୁ, ଡାକ୍ତର ଆଶ୍ରିତ ଆଚାର୍ଯ୍ୟ ଓ ଏବିଡିଓ ଚିତ୍ତରଞ୍ଜନ ନାୟକ ସାମିଲ ଥିଲେ। ଚଢ଼ଉ ଭୟରେ ବେଆଇନ ଭାବେ ରୋଗୀ ଚିକିତ୍ସା କରୁଥିବା ଆଉ କେତେକ କ୍ଲିନିକ ବନ୍ଦ କରି ମାଲିକମାନେ ଖସି ପଳାଇଥିବା ଜଣାପଡ଼ିଛି।