ଖୋର୍ଦ୍ଧା: ବିବାହର ପ୍ରତିଶ୍ରୁତି ଦେଇ ଶାରୀରିକ ସମ୍ପର୍କ ରଖିଥିଲେ । ବଡ଼ ଭାଇ ବିବାହ ହେବା ପରେ ଯାଇ ବିଧିବଦ୍ଧ ଭାବେ ବିବାହ କରିବି ବୋଲି କହିଥିଲେ । କିନ୍ତୁ ବର୍ତମାନ ବଡ଼ ଭାଇ ବିବାହ କରିବା ପରେ ଅନ୍ୟ ଜଣେ ମହିଳାଙ୍କୁ ବିବାହ କରିଛନ୍ତି । ଏନେଇ ଥାନାରେ ଅଭିଯୋଗ ପରେ ମଧ୍ୟ ପୁଲିସ ପଦକ୍ଷେପ ନେଇନଥିବା ନେଇ ବେଗୁନିଆ ଅଂଚଳର ଜଣେ ମହିଳା ଆରକ୍ଷୀ ଅଧିକ୍ଷକଙ୍କୁ ଲିଖିତ ଅଭିଯୋଗ କରିଛନ୍ତି ।
ପରିଛଳ ଜାମୁସାହିର ସବିତାଙ୍କ ଅଭିଯୋଗ ଅନୁସାରେ, ପ୍ରାୟ ୧୦ ବର୍ଷ ପୂର୍ବେ ଦୀନବନ୍ଧୁ ପରିଡ଼ାଙ୍କ ସହ ପ୍ରେମ ସମ୍ପର୍କ ଗଢ଼ିଉଠିଥିଲା । ଏହାପରେ ବିବାହର ପ୍ରତିଶ୍ରୁତି ଦେଇ ଦୀନବନ୍ଧୁ ଶାରୀରିକ ସମ୍ପର୍କ ରଖିଥିଲେ । ଗର୍ଭବତୀ ହେବା ପରେ ୨ ଜୁନ୍ ୨୦୧୩ରେ ଦୀନବନ୍ଧୁଙ୍କ ଘରକୁ ଯାଇଥିଲେ । ଏହି ସମୟରେ ତାଙ୍କ ପରିବାର ଲୋକ ତାଙ୍କୁ ମାରପିଟ କରି ଘରୁ ବାହାର କରିଦେଇଥିଲେ । ଏହି ଘଟଣାରେ ସେ କୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଏହି ସମୟରେ ଦୀନବନ୍ଧୁ ଓ ତାଙ୍କ ପରିବାର ଦୀନବନ୍ଧୁଙ୍କ ବଡ଼ଭାଇର ବିବାହ ପରେ ବିଧିବଦ୍ଧ ଭାବେ ବିବାହ କରିବେ ବୋଲି ଗାଁର ଭଦ୍ରବ୍ୟକ୍ତିଙ୍କ ଆଗରେ ପ୍ରତିଶ୍ରୁତି ଦେବା ସହ ତାଙ୍କ ବାପାଙ୍କ ଠାରୁ ଲକ୍ଷାଧିକ ଟଙ୍କା ମଧ୍ୟ ଯୌତୁକର ଅଗ୍ରିମ ଆକାରରେ ନେଇଥିଲେ । ବର୍ତମାନ ତାଙ୍କର ଏକ ୭ ବର୍ଷର ପୁଅ ରହିଛି ଓ ତାଙ୍କ ସ୍ୱାମୀ ଦୀନବନ୍ଧୁଙ୍କ ବଡ଼ଭାଇ ବିବାହ କରିଛନ୍ତି । କିନ୍ତୁ ସେ ଜାଣିବାକୁ ପାଇଛନ୍ତି ଯେ ଅପ୍ରିଲ୍ ୨ ତାରିଖରେ ତାଙ୍କର ସ୍ୱାମୀ ଅନ୍ୟଜଣକୁ ବିବାହ କରିଛନ୍ତି । ଏନେଇ ବେଗୁନିଆ ଥାନାରେ ଦୁଇ ଦୁଇ ଥର ଲିଖିତ ଅଭିଯୋଗ କରିଥିଲେ । କିନ୍ତୁ ଥାନା ଅଧିକାରୀ ତାଙ୍କର ଅଭିଯୋଗ ଗ୍ରହଣ କରୁନାହାନ୍ତି । ଏଣୁ ସେ ଏସ୍ପିଙ୍କ ଦ୍ୱାରସ୍ଥ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏସ୍ପି ରାଜ କିଶୋର ଦୋରା ଅଭିଯୋଗ ଗ୍ରହଣ କରିବା ପରେ ଥାନା ଅଧିକାରୀଙ୍କୁ ଘଟଣାର ତଦନ୍ତ କରି ପଦକ୍ଷେପ ନେବାକୁ ନିଦେ୍ର୍ଦଶ ଦେଇଥିବା ଜଣାଯାଇଛି ।