ନାବାଳିକା ଯୌନ ଉତ୍ପୀଡ଼ନ ମାମଲା: ଅଭିଯୁକ୍ତକୁ ୧୦ ବର୍ଷ ସଶ୍ରମ କାରାଦଣ୍ଡ, ୧ ଲକ୍ଷ ଜରିମାନା
ଭଦ୍ରକ: ନାବାଳିକା ଯୌନ ଉତ୍ପୀଡନ ମାମଲାରେ ଭଦ୍ରକ ଅତିରିକ୍ତ ଜିଲ୍ଲା ଜଜ୍ ପ୍ରଣତି ଶାହା ଅଭିଯୁକ୍ତ ଧାମନଗର ଥାନା ପଳିକିରି ଗ୍ରାମର ଦିଗମ୍ବର ମାଝୀ(୨୯)କୁ ନାବାଳିକା ଯୌନ ନିର୍ଯାତନା ନିରୋଧ ଆଇନର ଧାରା ୪ ତଥା ପିଙ୍ଗଳ କୋର୍ଡର ଦଫା ୩୭୬ରେ ଦୋଷୀ ସାବ୍ୟସ୍ତ କରି ୧୦ ବର୍ଷ ସଶ୍ରମ କାରାଦଣ୍ଡ ଓ ୧ ଲକ୍ଷ ଟଙ୍କା ଜୋରିମାନା ଆଦେଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଅଭିଯୋଗ ମୁତାବକ ଧାମନଗର ଥାନା ପଳିକିରି ଗ୍ରାମର ଦୟାନିଧି ମାଝିଙ୍କ ପୁତ୍ର ଦିଗମ୍ବର ୨୦୧୬ ଜାନୁଆରି ୧୧ରେ ପଡୋଶୀ ଘରେ ପଶି ତାଙ୍କର ୮ବର୍ଷର ନାବାଳିକା କନ୍ୟାକୁ ଗୋଟିଏ ଦିନରେ ବିଭିନ୍ନ ସମୟରେ ୩ ଥର ଯୌନ ନିର୍ଯାତନା ଦେଇଥିଲା ଓ ଶେଷ ଥର ଛାତ ଉପରକୁ ନେଇ ଦୁଷ୍କର୍ମ କରିବା ସମୟରେ ନାବାଳିକା ଚିତ୍କାର କରିବାରୁ ତାର ଜେଜେ ମା ସେଠାରେ ପହଁଞ୍ଚି ପିଡୀତାକୁ ଉଦ୍ଧାର କରିଥିଲେ। ପିଡୀତାର ମାମୁଁ ବସନ୍ତ ପ୍ରଧାନ ଏ ନେଇ ଧାମନଗାର ଥାନାରେ ଅଭିଯୋଗ କରିବାପରେ ମାମଲା ହୋଇ ଅଭିଯୁକ୍ତକୁ ଗିରଫ କରାଯାଇ ଥିଲା।