ନାବାଳିକା ଦୁଷ୍କର୍ମକାରୀକୁ ୧୦ ବର୍ଷ ଜେଲଦଣ୍ଡ, ୧୭ ହଜାର ଟଙ୍କା ଜରିମାନା
ଫୁଲବାଣୀ: ଜଣେ ନାବାଳିକାକୁ ଦୁଷ୍କର୍ମ ମାମଲାର ବିଚାର କରି ଫୁଲବାଣୀ ସ୍ୱତନ୍ତ୍ର ପୋସ୍କୋ କୋର୍ଟ ଅଭିଯୁକ୍ତକୁ ୧୦ ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ କରିବା ସହ ୧୭୦୦୦ଟଙ୍କା ଜରିମାନା ଦେବାକୁ ନିର୍ଦେଶ ଦେଇଛନ୍ତି। ଜରିମାନା ଅନଦେୟ ଅଧିକ ୬ମାସ ଦଣ୍ଡ ଭୋଗିବାକୁ ରାୟରେ ଶୁଣାଇଛନ୍ତି। ବାମୁଣି ଗାଁ ଥାନା କେସ ନମ୍ବର ୪୯/୧୫ରେ ନାବାଳିକା ଦୁଷ୍କର୍ମ ମାମଲାର ପୀଡିତା ଓ ଅନ୍ୟ ସାକ୍ଷୀ ଓ ଡାକ୍ତରଙ୍କ ରିପୋର୍ଟକୁ ଆଧାର କରି କୋର୍ଟ ମାମଲାର ଶୁଣାଣୀ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନା ପ୍ରକାରେ ୨୦୧୫ ମେ’ ମାସ ୧୭ ତାରିଖ ଦିନ ଗୋଟାଏ ସମୟରେ ନାବାଳିକା ଜଣଙ୍କ ଶୌଚ ପାଇଁ ଯାଇ ଘରକୁ ଫେରୁଥିବା ସମୟରେ ଏକୁଟିଆ ଥିବାର ସୁଯୋଗ ନେଇ ବେଞ୍ଜାମିନ୍ ସିଂଙ୍କ ପୁଅ ତଥା ଅଭିଯୁକ୍ତ ସଦାନନ୍ଦ ସିଂ ନାବାଳିକାର ମୁହଁରେ ଗାମୁଛା ଦେଇ ତାକୁ ଅପହରଣ କରିଥିଲା। ଏହା ପରେ ଏକ ନିରୋଳା ସ୍ଥାନକୁ ନେଇ ତାକୁ ଦୁଷ୍କର୍ମ କରିଥିଲା। ନାବାଳିକା ଜଣଙ୍କ ଅଚେତ ହୋଇ ଯିବାରୁ ତାକୁ ନେଇ ଏକ ନୂଆରେ ତିଆରି ହେଉଥିବା ଘରେ ପକାଇଦେଇ ପଳାଇଯାଇଥିଲା। ପରିବାର ଲୋକେ ଓ ଗ୍ରାମବାସୀ ଖୋଜି ପାଇ ତାକୁ ଘରକୁ ବୋହି ଆଣି ପଚାରିବାରୁ ନାବାଳିକା ଜଣଙ୍କ ସବୁକଥା କହିଥିଲା ଓ ସବୁକଥା ଶୁଣିଲା ପରେ ନାବାଳିକାଙ୍କ ବାପା ଥାନାରେ ଲିଖିତ ଅଭିଯୋଗ କରିଥିଲେ।