୧୧ ଜୁଆଡ଼ି ଗିରଫ, ବିପୁଳ ଟଙ୍କା ସହ ୬ଟି ବାଇକ୍‌ ଜବତ 

ଲାଠୋର: ବଲାଙ୍ଗୀର ଜିଲ୍ଲା ଲାଠୋର ଥାନା ସଦର ଗାଁ ରଜାକଟାଠାରେ ରବିବାର ରାତିରେ ଜୁଆଖେଳ ହେଉଥିବା ଖବର ପାଇ ପୁଲିସ ଚଢ଼ଉ କରିଥିଲା। ସେଠାରୁ ୧୧ ଜଣ ଜୁଆଡ଼ିଙ୍କୁ ପୁଲିସ ଗିରଫ କରିଥିଲା। ଗିରଫ ଅଭିଯୁକ୍ତମାନେ ହେଲେ ଲାଠୋର ଗାଁର ଲୋକେଶ ଜୈନ, ନରୋତ୍ତମ ନାଗ, ଗୌର ମେହେର, ବନମାଳୀ ଶବର, ଈଶ୍ୱର ଶବର, ହରିକିଷନ ମେହେର, ଅଲେଖ ଜୈନ, ସୁନୀଲ ବରିହା, ଗୋପାଳ ମେହେର, ସିନ୍ଧେକେଲା ଗାଁର ନରସିଂହ ବେହେରା ଓ ତୁରେକେଲା ଥାନା ଖର୍ଲି ଗାଁର ଉଗ୍ରସେନ ଯାଦବ।

ସେମାନଙ୍କଠାରୁ ପୁଲିସ ୧୬,୫୪୦ ଟଙ୍କା, ୬ଟି ବାଇକ୍‌, ୫ଟି ମୋବାଇଲ ଫୋନ୍‌, ୧୦୪ଟି ଜୁଆକାର୍ଡ ଓ ଏକ ଟର୍ଚ୍ଚଲାଇଟ ଜବତ କରିଥିଲା। ଏସ୍‌ଆଇ ଦେବାର୍ଚ୍ଚନ ମିର୍ଦ୍ଧାଙ୍କ ନେତୃତ୍ୱରେ ଚଢ଼ଉ ହୋଇଥିଲା। ସୋମବାର ଏକ ମାମଲା ରୁଜୁ କରି ସମସ୍ତଙ୍କୁ କୋର୍ଟ ଚାଲାଣ କରିଥିବା ଥାନା ଅଧିକାରୀ ଝସକେତନ ଭୋଇ କହିଛନ୍ତି।