ଓଲଟିଲା ଗୋରୁ ବୋଝେଇ ଭ୍ୟାନ୍: ଘଟଣାସ୍ଥଳରେ ୧୪ ଗୋରୁ ମୃତ
ପାଇକସାହି: ଅନୁଗୁଳ ରାସ୍ତାର ଅନ୍ତଳିଆ ଶିବ ମନ୍ଦିର ନିକଟରେ ଗତ ଶନିବାର ବିଳମ୍ବିତ ରାତିରେ ଏକ ଗୋରୁ ବୋଝେଇ ପିକ୍-ଅପ୍ ଭ୍ୟାନ୍ ଓଲଟି ପଡ଼ିବା ହେତୁ ୧୪ଗୋରୁଙ୍କ ମୃତ୍ୟୁ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତକାଲି ବିଳମ୍ବିତ ରାତିରେ ଓଡ଼ି-୦୧-ପି-୮୧୧୧ନମ୍ବର ଥିବା ପିକ୍-ଅପ୍ ଭ୍ୟାନ୍ ୨୦ରୁ ଊର୍ଧ୍ୱ ଗୋରୁ ନେଇ ଠାକୁରଗଡ଼ରୁ ବାଲେଶ୍ୱର ଅଭିମୁଖେ ଯାଉଥିଲା। ଏହି ଭ୍ୟାନ୍ରେ ଗୋରୁ ଚୋରା ଚାଲାଣ କରାଯାଉଥିବା ନେଇ ପୁଲିସର ପ୍ରାଥମିକ ଯାଞ୍ଚରୁ ଜଣାପଡ଼ିଛି। ୨୦ରୁ ଊର୍ଧ୍ୱ ଗୋରୁଙ୍କୁ ନେଇ ଯାଉଥିବା ପିକ୍-ଅପ୍ ଚାଳକ ଅନ୍ତଳିଆ ଶିବ ମନ୍ଦିର ନିକଟରେ ଭାରସାମ୍ୟ ହରାଇଥିଲା। ଫଳରେ ଗୋରୁ ବୋଝେଇ ପିକ୍-ଅପ୍ ଭ୍ୟାନ୍ଟି ରାସ୍ତାର ତଳକୁ ଓଲଟି ପଡ଼ିଥିଲା। ଘଟଣାସ୍ଥଳରେ ୧୪ଟି ଗୋରୁଙ୍କ ମୃତ୍ୟୁ ହୋଇଥିଲା। ଏହି ଦୁର୍ଘଟଣା ସମ୍ପର୍କରେ ଖବର ପାଇ ପୁରୁଣା କୋଟ ପୁଲିସ ଘଟଣାସ୍ଥଳରେ ପହଞ୍ଚି ଗାଡ଼ିକୁ ଜବତ କରିବା ସହିତ ଏକ ମାମଲା ରୁଜୁ କରିଛି।