କଟକ ସହରରୁ ଆଜି ୧୮୨ କରୋନା ପଜିଟିଭ୍‌ ଚିହ୍ନଟ, ସ୍ଥାନୀୟ ଅଂଚଳରୁ ୭୫ ଜଣ ଆକ୍ରାନ୍ତ

କଟକ: ଆଜି କଟକ ସହରରୁ ମୋଟ ୧୮୨ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏଥିରେ ସଂଗରୋଧରୁ ୧୦୭ ଜଣ ଓ ସ୍ଥାନୀୟ ଅଂଚଳରୁ ୭୫ ଜଣ ଅଛନ୍ତି। କଟକ ମହାନଗର ନିଗମ ପକ୍ଷରୁ ଟୁଇଟ ଜରିଆରେ ଏହି ସୂଚନା ଦିଆଯାଇଛି।

ସିଏମ୍‌ସି ପକ୍ଷରୁ ଦିଆଯାଇଥିବା ସୂଚନା ଅନୁସାରେ ଆଜି ସରକାରୀ ସଂଗରୋଧରୁ ମୋଟ୍‌ ୪୭ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥିରେ ଜଣେ କୋଭିଡ ଯୋଦ୍ଧା, ୨୪ ଜଣ ମହିଳା ଓ ୨୨ ଜଣ ପୁରୁଷ ଅଛନ୍ତି। ଗୃହ ସଂଗରୋଧରୁ ଚିହ୍ନଟ ହୋଇଥିବା ୬୦ ଜଣ ଆକାନ୍ତଙ୍କ ମଧ୍ୟରେ ଜଗତ୍‌ପୁରରୁ ୭ ଜଣ, ପ୍ରତାପ ନଗରୀ, ବକ୍ସି ବଜାରରୁ ୫ ଜଣ ଲେଖାଏଁ, ଚାଉଳିଆଗଂଜରୁ ୪ ଜଣ, ବାଦାମବାଡ଼ି, କଲେଜ ଛକ, ତୁଳସୀପରରୁ ୩ ଜଣ ଲେଖାଏଁ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି।

ସ୍ଥାନୀୟ ଅଂଚଳରୁ ଚିହ୍ନଟ ହୋଇଥିବା ୭୫ ଜଣ କରୋନା ଆକ୍ରାନ୍ତଙ୍କ ମଧ୍ୟରେ ଜଗତ୍‌ପୁର, ନୟାବଜାରରୁ ୫-୫ ଜଣ, ବିଡାନାସୀ, ସିଡିଏ ସେକ୍ଟର-୬, ଚାଉଳିଆଗଂଜ, କଲ୍ୟାଣୀ ନଗରରୁ ୪ ଜଣ ଲେଖାଏଁ, ଦରଘା ବଜାର, ଜୋବ୍ରା, ମେରିଆ ବଜାରରୁ ୩-୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।

ସୂଚନାଯୋଗ୍ୟ, ଆଜି କଟକ ଜିଲ୍ଲାରୁ ମୋଟ ୩୫୮ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥିରେ କଟକ ସହରରୁ ୧୮୨ ଜଣ ଅଛନ୍ତି। ତେବେ ଏପର୍ଯ୍ୟନ୍ତ କଟକ ସହରରୁ ୧୨ ହଜାର ୪୦୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୯ ହଜାର ୯୦୬ ଜଣ ସୁସ୍ଥ ହୋଇସାରିଛନ୍ତି। କିନ୍ତୁ ୨ ହଜାର ୪୫୨ ଜଣ ଚିକିତ୍ସାଧୀନ ଥିବା ବେଳେ ୫୧ ଜଣଙ୍କର ମୃତ୍ୟୁ ହୋଇଛି।