ମାରଣାସ୍ତ୍ର ଦେଖାଇ ଲୁଟିନେଲେ ଅଢେଇ ଲକ୍ଷ ଟଙ୍କା
ଢେଙ୍କାନାଳ: ଢେଙ୍କାନାଳରେ ପୁଣି ମାତିଲେ ଲୁଟେରା ଗ୍ୟାଙ୍ଗ । ଦିବାଲୋକରେ ଜଣେ ବେସରକାରୀ କମ୍ପାନୀ କର୍ମଚାରୀଙ୍କ ନିକଟରୁ ଲୁଟିଲେ ଲକ୍ଷାଧିକ ଟଙ୍କା । ଏକାସାଙ୍ଗେ ଚାରି ଜଣ ଲୁଟେରା ଏକ ବୋଲେରୋରେ ଆସି ତାଙ୍କୁ ମାରଣାସ୍ତ୍ର ଦେଖାଇ ଲୁଟି ନେଇଗଲେ ଲକ୍ଷାଧିକ ଟଙ୍କା। ସଦର ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ସୂଚନା ଅନୁସାରେ, ଢେଙ୍କାନାଳ ସହର ଉପକଣ୍ଠ ଗୁଣ୍ଡିଚାପଡ଼ା ସ୍ଥିତ ନରଭେରମ କମ୍ପାନୀ କର୍ମଚାରୀ ରାଜେନ୍ଦ୍ର ସେଠୀ ଭୁବନେଶ୍ୱର ସ୍ଥିତ କମ୍ପାନୀରୁ ଟଙ୍କା ପେମେଣ୍ଟ ପାଇଁ ଶନିବାର ଆଣି ଘରେ ରଖିଥିଲେ | ଆଜି ପୂର୍ବାହ୍ନ ୧୦.୧୫ ସମୟରେ ନିଜ ବାଇକରେ ଟଙ୍କା ଭର୍ତ୍ତି ବ୍ୟାଗ ଧରି କମ୍ପାନୀକୁ ଯାଉଥିଲେ।
କମ୍ପାନୀଠାରୁ ୧୦୦ ମିଟର ପୂର୍ବରୁ ୪ ଜଣ ଲୁଟେରା ଏକ ବୋଲେରୋ ଯୋଗେ ଆସି ତାଙ୍କୁ ଅଟକାଇଥିଲେ ଓ ମାରଣାସ୍ତ୍ର ଦେଖାଇ ଭୟଭୀତ କରି ଟଙ୍କା ବ୍ୟାଗ ଛଡେଇ ନେଇଥିଲେ । ତେବେ ବ୍ୟାଗରେ ଅଢେଇ ଲକ୍ଷ ଟଙ୍କା ରହିଥିବା ନେଇ ସୂଚନା ମିଳିଛି । ଖବର ପାଇ ସଦର ଥାନା ପୁଲିସ ଘଟଣାସ୍ଥଳରେ ତଦନ୍ତ ଆରମ୍ଭ କରିଛି ବୋଲି ଥାନା ଅଧିକାରୀ ଅଭିନଵ ଡ଼ାଳୁଆ କହିଛନ୍ତି |