ଡକାୟତି ଯୋଜନା ପଣ୍ଡ ;୨ ଡ଼କାୟତ ଗିରଫ, ୩ ଫେରାର

ରାଉରକେଲା : ଲହୁଣୀପଡ଼ା ଥାନା ଅନ୍ତର୍ଗତ ୧୪୩ ନମ୍ୱର ଜାତୀୟ ରାଜପଥ ଜୁନିଆଣି ନିକଟରେ ବନ୍ଧୁକ ଦେଖାଇ ବିଭିନ୍ନ ଗାଡ଼ି ଅଟକାଇ ଡ଼କାୟତି କରିବାକୁ ଉଦ୍ୟମ କରୁଥିବା ବେଳେ ୨ ଡକାୟତଙ୍କୁ ଗିରଫ କରିଛି ପୁଲିସ । ତେବେ ଆଉ ୩ ଡକାୟତ ଫେରାର ହୋଇଯାଇଛନ୍ତି ।   ବିଶେଷ ସୂତ୍ରରୁ ଖବର ପାଇ ଲହୁଣୀପଡ଼ା  ଆଇଆଇସି ଏକ ସ୍ୱତନ୍ତ୍ର ଟିମ ସହ ଚଢଉ କରି ସେମାନଙ୍କୁ ଗିରଫ କରିଥିଲେ ।

ସେମାନଙ୍କ ଘର ବୀରମିତ୍ରପୁର ଅଞ୍ଚଳରେ ହୋଇ ଥିବା ବେଳେ ସେମାନଙ୍କ ଠାରୁ ପୋଲିସ ଗୋଟିଏ ବନ୍ଧୁକ,ଗୋଟିଏ ଅଫୁଟା ଗୁଳି, ଖଣ୍ଡା, ଛୁରୀ ଓ ୨ ଟି ବାଇକ୍ ଜବତ କରିଛି ।  ଫେରାର ଥିବା ଡକାୟତିଙ୍କୁ ଧରିବା ଲାଗି ଏକ ସ୍ୱତନ୍ତ୍ର ଟିମ ଗଠନ କରି ଧରିବା ଲାଗି ଯୋଜନା ପ୍ରସ୍ତୁତ ହୋଇଥିବା ପୋଲିସ ତରଫରୁ ସୂଚନା ମିଳିଛି ।