ନୂଆଗାଁ(ସୁନ୍ଦରଗଡ଼): ସୁନ୍ଦରଗଡ଼ ଜିଲ୍ଲା ବୀରମିତ୍ରପୁରରୁ ରାଇବୋଗା ଯାଉଥିବା ବେଳେ ଏକ ବୋଲେରୋ ରାଇବୋଗା ଥାନା ଅନ୍ତର୍ଗତ ଝୁରମୁର ଠାରୁ ୨ କିଲୋମିଟର ଦୂର ପଣ୍ଡିସିଲା ନିକଟରେ ଦୁର୍ଘଟଣାଗ୍ରସ୍ତ ହୋଇଛି। ବୋଲେରୋ ତଳେ ଚାପି ହୋଇ ୨ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଅନ୍ୟ ୪ ଜଣଙ୍କୁ ଗୁରୁତର ଅବସ୍ଥାରେ ବିଭିନ୍ନ ଡାକ୍ତରଖାନାରେ ଭର୍ତ୍ତି କରାଯାଇଛି।
ମିଳିଥିବା ସୂଚନା ଅନୁଯାୟୀ, ଗତକାଲି ରାତି ପ୍ରାୟ ୯ଟା ବେଳେ ୬ ଜଣ ଯୁବକ ଏକ ବୋଲେରୋରେ ପଣ୍ଡିସିଳା ଯାଉଥିବା ବେଳେ ରାସ୍ତା କଡ଼ରେ ଥିବା ଏକ ଖାଲରେ ପଡ଼ି ବୋଲେରୋଟି ଓଲଟି ପଡ଼ିଥିଲା। ଫଳରେ ଘଟଣାସ୍ଥଳରେ ପଣ୍ଡିସିଳା ଗ୍ରାମର ଦିଲ୍ଲୀପ ମିଞ୍ଜ(୨୩ ବର୍ଷ) ଓ ଅସରତ ଅଲ୍ଲୀ(୩୩ ବର୍ଷ)ଙ୍କର ମୃତ୍ୟୁ ଘଟିଥିଲା। ଦୁର୍ଘଟଣା ସମ୍ପର୍କରେ ସୂଚନା ପାଇ ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଉଦ୍ଧାର କରି ଚିକିତ୍ସା ପାଇଁ ରାଉରକେଲା ପଠାଇଛନ୍ତି।
ପୂର୍ବବର୍ତ୍ତୀ ଖବର
ପୁରୁଷ ସାଜି ତିନି ଝିଅଙ୍କୁ ବାହା ହୋଇଥିବା ଆନ୍ଧ୍ରପ୍ରଦେଶର ଜଣେ ଯୁବତୀ
ସମ୍ବନ୍ଧିତ ଖବର