ଲୁହା ରଡ଼ରେ ପିଟିପିଟି ସାଙ୍ଗକୁ ମାରିଦେଲେ ଦୁଇ ସାଙ୍ଗ

ଜଗତସିଂହପୁର: ସବୁବେଳେ ମିଶିକି ବୁଲୁଥିଲେ | ତେବେ ଗତକାଲି ସନ୍ଧ୍ୟାରେ କୌଣସି କାରଣକୁ ନେଇ ଝଗଡା ହେବାରୁ ସାଙ୍ଗକୁ ପିଟିପିଟି ମାରିଦେଲେ ଦୁଇ ସାଙ୍ଗ | ଏଭଳି ଏକ ଅଭାବନୀୟ ଘଟଣା ଘଟିଛି ଜଗତସିଂହପୁର ଜିଲ୍ଲା ଶାଳଜଙ୍ଗ ପଞ୍ଚାୟତ ଚାରିବାଟିଆ ଗ୍ରାମରେ | ଏହି ଗ୍ରାମର ସାଗର ଗତକାଲି ବିଳମ୍ବିତ ରାତିରେ ଦୁଇ ସାଙ୍ଗ ଦିଲୁ ସାମଲ ଓ ପ୍ରତାପ ବେହେରାଙ୍କ ସହ ବସିଥିବାବେଳେ କୌଣସି କାରଣରୁ ଝଗଡ଼ା ହୋଇଥିଲା |

ଫଳରେ ଦୁଇ ସାଙ୍ଗ ସାଗରଙ୍କୁ ରଡ଼ ସାହାଯ୍ୟରେ ପିଟିପିଟି ହତ୍ୟା କରିଥିଲେ ବୋଲି ସାଗରଙ୍କ ପରିବାର ଲୋକ ଅଭିଯୋଗ କରିଛନ୍ତି | ଦୁଇ ସାଙ୍ଗଙ୍କ ମଧ୍ୟରୁ ଦିଲୁ ସାମଲଙ୍କୁ ପୁଲିସ ଅଟକ ରଖିଥିବାବେଳେ ପ୍ରତାପ ବେହେରା ଫେରାର ଥିବା ଜଣାପଡ଼ଛି | ତେବେ ତିନି ସାଙ୍ଗଙ୍କ ମଧ୍ୟରେ ଏମିତି କଣ ଘଟିଲା ଯେ ନିଜର ପ୍ରିୟ ସାଙ୍ଗଙ୍କୁ ମଧ୍ୟ ହତ୍ୟା କଲେ ତାହାର କାରଣ ଜଣାପଡିନାହିଁ | ହତ୍ୟାକାଣ୍ଡର କାରଣ ଜାଣିବାକୁ ପୁଲିସ ଏବେ ଦିଲୁକୁ ପଚରାଉଚୁରା କରୁଥିବାବେଳେ ଗ୍ରାମରେ ଶୋକର ଲହରୀ ଖେଳିଯାଇଛି |