କଟକ ସହରରୁ ଆଜି ୨୦୪ ଜଣ କରୋନା ଆକ୍ରାନ୍ତ ଚିହ୍ନଟ, ସ୍ଥାନୀୟ ସଂକ୍ରମଣ ୭୪ ଜଣ

କଟକ: ଆଜି କଟକ ସହରରୁ ମୋଟ ୨୦୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସରକାରୀ ସଂଗରୋଧରୁ ୫୬ ଜଣ, ଗୃହ ସଂଗରୋଧରୁ ୭୪ ଜଣ ଓ ସ୍ଥାନୀୟ ଅଂଚଳରୁ ୭୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। କଟକ ମହାନଗର ନିଗମ ପକ୍ଷରୁ ଟୁଇଟ ଜରିଆରେ ଏହି ସୂଚନା ଦିଆଯାଇଛି।

ସିଏମ୍‌ସି ପକ୍ଷରୁ କୁହାଯାଇଛି ଯେ, ଆଜି ଏସ୍‌ସିବି ଆଇସୋଲେସନ୍‌ରୁ ଜଣେ ମହିଳାଙ୍କ ସମେତ ୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିପରି ଅନ୍ୟ ସରକାରୀ ସଂଗରୋଧରୁ ଚିହ୍ନଟ ହୋଇଥିବା ୫୪ ଜଣ ଆକ୍ରାନ୍ତଙ୍କ ମଧ୍ୟରେ ୩୬ ଜଣ ପୁରୁଷ, ୧୨ ଜଣ ମହିଳା ଓ ୬ ଜଣ ପୁରୁଷ କୋଭିଡ ଯୋଦ୍ଧା ଅଛନ୍ତି।

ସୂଚନାଯୋଗ୍ୟ, କଟକ ସହରରୁ ଆଜି ପର୍ଯ୍ୟନ୍ତ ୪୩୭୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥିରୁ ୨୬୦୦ ଜଣ ଆକ୍ରାନ୍ତ ସୁସ୍ଥ ହୋଇଥିବା ବେଳେ ୧୭୫୨ ଜଣ ଚିକିତ୍ସାଧୀନ ଅଛନ୍ତି। ତେବେ ୨୩ ଜଣଙ୍କର ମୃତ୍ୟୁ ହୋଇଛି।

କଟକ ସହରରେ ଆଜି ଗୃହ ସଂଗରୋଧରୁ ମୋଟ ୭୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥିରେ ସିଡିଏ ସେକ୍ଟର-୬, କଲେଜ ଛକ, ବକ୍ସ ବଜାରରୁ ୫ ଜଣ ଲେଖାଏଁ, ଜଉନଲିଆ ପାଟଣା, ଶଙ୍କରପୁର, ଘୋଷ ବଜାର, ବାମ୍ଫି ସାହିରୁ ୪ ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।

ଆଜି ସ୍ଥାନୀୟ ଅଂଚଳରୁ ଚିହ୍ନଟ ୭୪ ଜଣ ଆକ୍ରାନ୍ତଙ୍କ ମଧ୍ୟରେ କଲେଜ ଛକରୁ ୫ ଜଣ, ଜୋବ୍ରା, ରାଉସପାଟଣା, ବକ୍ସିବଜାର, ଚାଉଳିଆଗଂଜରୁ ୪ ଜଣ ଲେଖାଏଁ, ଦରଘାବଜାର, ଜଉନଲିପାଟଣା, ନୂଆ ବଜାରରୁ ୩ ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।

ସମ୍ବନ୍ଧିତ ଖବର

Comments are closed.