ବୁର୍ଲା: ବୁର୍ଲା ଭିମସାରରେ ହେବ ଦ୍ୱିତୀୟ କୋଭିଡ୍ ହସ୍ପିଟାଲ । କୋଭିଡ୍ ସ୍ଥିତିର ସମୀକ୍ଷା ପରେ ମୁଖ୍ୟ ଶାସନ ସଚିବ ସୁରେଶ ମହାପାତ୍ର ଏବାବଦରେ ସୂଚନା ଦେଇଛନ୍ତି ।ପଶ୍ଚିମ ଓଡ଼ିଶାରେ କରୋନା ସଂକ୍ରମଣ ବଢୁଥିବାବେଳେ ଆଜି ସମ୍ବଲପୁର ଯାଇ ସ୍ଥିତି ସମୀକ୍ଷା କରିଛନ୍ତି ମୁଖ୍ୟ ଶାସନ ସଚିବ ସୁରେଶ ମହାପାତ୍ର |
Sambad is now on WhatsApp
Join and get latest news updates delivered to you via WhatsApp
ଆଜି ସକାଳେ ମୁଖ୍ୟ ଶାସନ ସଚିବ ସମ୍ବଲପୁରରେ ପହଂଚି କରୋନା ସ୍ଥିତି ବାବଦରେ ଜିଲ୍ଲା ପ୍ରଶାସନ ସହ ଆଲୋଚନା କରିଛନ୍ତି | ବୁର୍ଲା ଭିମସାରରେ ଥିବା କୋଭିଡ ହସ୍ପିଟାଲକୁ ବୁଲି ଦେଖିବା ପରେ ମୁଖ୍ୟ ଶାସନ ସଚିବ କହିଛନ୍ତି ଯେ ବୁର୍ଲା ଭିମସାରରେ ୩୦୦ ଶଯ୍ୟା ବିଶିଷ୍ଟ ଆଉ ଏକ କୋଭିଡ ହସ୍ପିଟାଲ କରାଯିବ | ଏହି ୩୦୦ ଶଯ୍ୟାରୁ ୨୫୦ଟି ବେଡ଼ରେ ଅମ୍ଳଜାନ ସୁବିଧା ରହିବ | ଆଉ ୫୦ଟି ଆଇସିୟୁ ବେଡ଼ ରହିବ | ୧୦ ଦିନ ମଧ୍ୟରେ ଏହା ପ୍ରସ୍ତୁତ ହୋଇଯିବ ବୋଲି କହିଛନ୍ତି |
ବର୍ତ୍ତମାନ ଯେଉଁ କୋଭିଡ ହସ୍ପିଟାଲ ଅଛି ସେଠାରେ ବର୍ତ୍ତମାନ ୨୦ଟି ଆଇସିୟୁ ବେଡ଼ ଥିବାବେଳେ ଆଉ ୩୦ଟି ଆଇସିୟୁ ବେଡ଼ ବୃଦ୍ଧି କରାଯିବ | ସେହିପରି ଏଠାରେ ୧୭୫ଟି ଶଯ୍ୟା ଥିବାବେଳେ ଚେଷ୍ଟା କରାଯାଉଛି ଯେ ବୁର୍ଲା ଭିମସାରରେ ୫୨୫ଟି ବେଡ଼ ରହିବ | ଏହା ବାଦ ପର୍ଯ୍ୟାପ୍ତ ମେଡ଼ିସିନ ଓ ଚିକିତ୍ସା ଉପକରଣ ମହଜୁଦ ଅଛି |