ଡକାୟତି ଯୋଜନା ପଣ୍ଡ, ତିନି କୁଖ୍ୟାତ ଡକାୟତ ଗିରଫ
୩ଟି ବନ୍ଧୁକ ଓ ୫୫ଟି ଅଫୁଟା ଗୁଳି ଜବତ
ରାଉରକେଲା : ରାଉରକେଲା ସିଭିଲଟାଉନସିପରେ ବଡ଼ ଧରଣର ଡକାୟତି ଯୋଜନା ପଣ୍ଡ ହୋଇଛି । ରଘୁନାଥପାଲୀ ପୁଲିସ ଏକ ୧୦ ଜଣିଆ ଡକାୟତି ଗ୍ୟାଙ୍ଗର ତିନି ଜଣକୁ ଗିରଫ କରିଛି । ସେମାନେ ହେଲେ ବଣ୍ଟି ଓରଫ ବଶିଷ୍ଟ ମହାନ୍ତି,ରୋନି ଓ ଅମିତ କୁମାର ସାହୁ । ଏମାନଙ୍କ ନିକଟରୁ ୩ଟି ବନ୍ଧୁକ, ୫୫ଟି ଅଫୁଟା ଗୁଳି, ୬୫ହଜାର ଟଙ୍କା, ପଜେରୋ କାର, ହାତ ବୋମା ଓ ବାଇକ ଜବତ ହୋଇଛି । ଏମାନେ ପିଏଲଏଫ ଆଇ ଅର୍ଜୁନ ରଣା ପାଇଁ କାମ କରୁଥିବା କୁହାଯାଉଛି । ସେମାନେ କନ୍ଧମାଳରୁ ଗଞ୍ଜେଇ ଆଣି ଝାରଖଣ୍ଡରେ ବିକୁଥିଲେ ଓ ପରେ ସେଇ ଟଙ୍କାରେ ବନ୍ଧୁକ, ବୋମା ଝାରଖଣ୍ଡରୁ କିଣୁ ଥିଲେ । ଏହି ମାରଣାସ୍ତ୍ର ବ୍ୟବହାର କରି ରାଉରକେଲାର ଶିଳ୍ପପତି, ବ୍ୟବସାୟୀ, ବାଲି ମାଫିଆ, କ୍ରସର ମାଲିକ ମାନଙ୍କୁ ଦାଦାବଟି ମାଗୁଥିଲେ ବୋଲି ଆଜି ଆୟୋଜିତ ସାମ୍ବାଦିକ ସମ୍ମିଳନୀରେ ଏସପି ମୁକେଶ କୁମାର ଭାମୁ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
