ଭୁବନେଶ୍ୱର: ଆଜି ସନ୍ଧ୍ୟାରେ ଲୋକସେବା ଭବନରେ ଥିବା ଗୃହ ବିଭାଗର ଆଡ଼ିସନାଲ ସେକ୍ରେଟାରୀ ବି.ବି.ମିଶ୍ରଙ୍କ ଚାମ୍ବରରେ ଏକ ସାପ ପଶି ଯାଇଥିଲା । ନିଜେ ଆଡ଼ିସନାଲ ସେକ୍ରେଟାରୀ ସାପ ଉପରେ ଦୈବାତ ଗୋଡ଼ ପକାଉ ପକାଉ ବର୍ତ୍ତି ଯାଇଥିଲେ । ଏହାପରେ ସେହି ଚାମ୍ବରରୁ ସବୁ କର୍ମଚାରୀ ବାହାରକୁ ଆସିବା ପରେ ରୁମଟିକୁ ବନ୍ଦ ଜରାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ସ୍ନେକ ହେଲ୍ପ ଲାଇନକୁ ଖବର ଦିଆଯିବା ପରେ ସ୍ନେକ ହେଲ୍ପ ଲାଇନର ସାଧାରଣ ସମ୍ପାଦକ ତଥା ଖୋର୍ଦ୍ଧା ଜିଲ୍ଲାର ଅବୈତନିକ ବନ୍ୟ ପ୍ରାଣୀ ତତ୍ୱାବଧାରକ ଶୁଭେନ୍ଦୁ ମଲ୍ଲିକ ଘଟଣା ସ୍ଥଳରେ ପହଞ୍ଚିଥିଲେ | ସେ ପହଞ୍ଚିବା ବେଳକୁ ସାପଟି ଏକ ଆଲମାରୀ ପଛପଟେ ଲୁଚିଯାଇଥିଲା । ଆଲମାରୀକୁ ଘୁଞ୍ଚେଇ ଶୁଭେନ୍ଦୁ ଏକ ୩ଫୁଟ ଲମ୍ବର ଢ଼ମଣା ସାପଟିକୁ ଉଦ୍ଧାର କରିଥିଲେ । ସାପଟି ସମ୍ଭବତଃ ଖୋଲା ଥିବା ଝରକା ପଟେ ପଶିଥିବ ବୋଲି ଶୁଭେନ୍ଦୁ ଅନୁମାନ କରିଛନ୍ତି। ଉଦ୍ଧାର ପରେ ସାପଟିକୁ ସହର ବାହାରେ ଏକ ପ୍ରାକୃତିକ ଆବାସସ୍ଥଳିରେ ଛାଡି ଦିଆଯାଇଛି ।