ନୀଳଗିରି: ବାଲେଶ୍ୱର ଜିଲ୍ଲା ନୀଳଗିରି ଥାନା ଅଧିନ ନରସିଂହପୁର ପଞ୍ଚାୟତ ପୁରୁଣା ଗାଁରେ ଗ୍ୟାସଟାଙ୍କି ଫାଟି ଗ୍ରୋସରୀ ଦୋକାନରେ ନିଆଁ ଲାଗିଯାଇଥିବାବେଳେ ଏଥିରେ ୩ ଜଣ ଗୁରୁତର ହୋଇପଡିଛନ୍ତି । ମିଳିଥିବା ସୂଚନା ମୁତାବକ ରୋଷେଇ କରୁଥିବା ସମୟରେ କୌଣସି କାରଣବଶତଃ ଗ୍ୟାସ ଟାଙ୍କିଟି ଫାଟିଯାଇଥିଲା | ଫଳରେ ଘରକୁ ଲାଗିକରି ଥିବା ଗ୍ରୋସରୀ ଦୋକାନରେ ନିଆଁ ଲାଗିଥିଲା। ବାଣ ବିକ୍ରି ପାଇଁ ଗ୍ରୋସରୀ ଦୋକାନରେ କିଛି ବାଣ ଥିଲା ଯେଉଁଥିରେ ନିଆଁ ଲାଗି ସମ୍ପୂର୍ଣ୍ଣ ଜଳିଯାଇଥିଲା । ପରିବାରର ତିନି ଜଣ ସଦସ୍ୟ ଗୁରୁତର ହୋଇଥିବାବେଳେ ସେମାନଙ୍କୁ ଏବେ ମେଡିକାଲରେ ଭର୍ତ୍ତି କରାଯାଇଛି |