ଭବାନୀପାଟଣା: କଟକ ବାରବାଟୀ ଷ୍ଟାଡିୟମ୍ରେ ଚାଲିଥିବା ୨୨ତମ ରାଜ୍ୟ ତୀରନ୍ଦାଜ ଚାମ୍ପିଅନ୍ସିପ୍ ପ୍ରତିଯୋଗିତାର ଆଜି ଶେଷ ଦିନରେ କଳାହାଣ୍ଡି ଜିଲ୍ଲାକୁ ୩ଟି ପଦକ ମିଳିଛି।
Sambad is now on WhatsApp
Join and get latest news updates delivered to you via WhatsApp
ସିନିଅର ବିଭାଗର ୫୦ ଓ ୩୦ ମିଟର ତୀରନ୍ଦାଜ ପ୍ରତିଯୋଗିତାରେ ସୀମାଞ୍ଚଳ କାଡ୍ରାକା ରୌପ୍ୟ ପଦକ ହାସଲ କରିଛନ୍ତି। ସବ୍ଜୁନିଅର ବିଭାଗର ୩୦ ଓ ୨୦ ମିଟର ଦୂରତା ତୀରନ୍ଦାଜ ପ୍ରତିଯୋଗିତାରେ ନିଥାନିଆଲ ମଲ୍ଲିକ ପୁଣିଥରେ ରୌପ୍ୟ ପଦକ ଜିତିଥିବା ବେଳେ ରତ୍ନା ମାଝୀ ୩୦ ଓ ୨୦ ମିଟର ପ୍ରତିଯୋଗିତାରେ କାଂସ୍ୟ ପଦକ ହାସଲ କରିଛନ୍ତି।
କଳାହାଣ୍ଡି ଜିଲ୍ଲାକୁ ଆଗରୁ ୩ଟି ପଦକ ମିଳିସାରିଥିବା ବେଳେ ଆଜି ୩ଟି ପଦକ ମିଳିବା ନେଇ କଳାହାଣ୍ଡି ଜିଲ୍ଲାରେ ଖୁସିର ଲହରୀ ଖେଳିଯାଇଛି।