ସୁନ୍ଦରଗଡ଼: ପ୍ରଚୁର ମଦ୍ୟପାନ କରି ଗାଡି ଚଳାଉଥିବାବେଳେ ଧରାପଡ଼ିଲେ ଚାଳକ | ତେବେ ଜଣେ କି ଦି ଜଣ ନୁହେଁ, ମଦ୍ୟପାନ କରି ଗାଡି ଚଳାଉଥିବା ୩୦ ଜଣ ଚାଳକଙ୍କୁ ଧରିଛି ପରିବହନ ବିଭାଗ ଓ ପୁଲିସର ଟିମ | ମିଳିଥିବା ସୂଚନା ମୁତାବକ ଆଜି ସନ୍ଧ୍ୟାରେ ସୁନ୍ଦରଗଡ଼ର ୩ଟି ସ୍ଥାନରେ ପରିବହନ ଵିଭାଗ ଓ ପୁଲିସର ମଟରଯାନ ଯାଞ୍ଚ ଵେଳେ ୩୦ ଜଣ ମଦ୍ୟପ ଚାଳକ ଧରାପଡିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସମସ୍ତ ଚାଳକଙ୍କୁ ଗିରଫ କରାଯାଇଛି। ଆସନ୍ତାକାଲି ସମସ୍ତଙ୍କୁ କୋର୍ଟ ଚାଲାଣ କରାଯିବ ବୋଲି ପୁଲିସ କହିଛି। ସୁନ୍ଦରଗଡର ରାଣୀବଗିଚା, ମସ୍ନିକାନୀ ଟୋଲଗେଟ ଓ ତଳସରାରେ ଗାଡି ଯାଞ୍ଚ କରାଯାଇଥିଲା।
ମସ୍ନିକାନୀ ଟୋଲଗେଟରେ ୧୬, ରାଣୀବଗିଚାରେ ୧୦ ଓ ତଳସରାରେ ୪ ଜଣ ଧରା ପଡିଥିଲେ। ସେଥିମଧ୍ୟରେ ଵାଇକ, କାର ଓ ଟ୍ରକ ଚାଳକ ଥିବା ଜଣାପଡିଛି। ଗୋଟିଏ ଦିନରେ ୩୦ ଜଣ ମଦୁଆ ଚାଳକ ଗିରଫ ହେଵା ସୁନ୍ଦରଗଡ଼ରେ ଚର୍ଚ୍ଚାର ଵିଷୟ ହୋଇଛି।