ମୟୂରଭଞ୍ଜରେ ୨୩ ଦିନରେ ୩୧ ମୁଣ୍ଡ ନେଲାଣି କରୋନା ଆଜି ଜିଲ୍ଲାରୁ ୧୮୦ ଆକ୍ରାନ୍ତ ଚିହ୍ନଟ, ଦୁଇ ମୃତ Latestକରୋନାଜିଲ୍ଲା By Sambad Digital Last updated Jun 23, 2021 Newz Mirror ସେୟାର ବାରିପଦା: ମୟୂରଭଞ୍ଜ ଜିଲ୍ଲାରେ ଚଳିତ ମାସର ୨୩ ଦିନରେ ୩୧ ଜଣଙ୍କର ମୁଣ୍ଡ ନେଲାଣି ମହାମାରୀ କରୋନା। ଆଜି ମଧ୍ୟ କରୋନାରେ ୨ ଜଣଙ୍କର ମୃତ୍ୟୁ ଘଟିଛି। ଏମାନଙ୍କ ମଧ୍ୟରେ ଜଣେ ୪୭ ବର୍ଷ ପୁରୁଷ ଓ ଅନ୍ୟ ଜଣେ ୫୫ ବର୍ଷିୟା ମହିଳା ରହିଛନ୍ତି । ଏହି ସମୟରେ ଆଜି ଓଡ଼ିଶାରୁ ଚିହ୍ନଟ ହୋଇଥିବା ୩,୪୫୬ କରୋନା ପଜିଟିଭ କେଶ ମଧ୍ୟରେ ମୟୂରଭଞ୍ଜ ଜିଲ୍ଲାରୁ ଗତ ୨୪ ଘଣ୍ଟା ମଧ୍ୟରେ ୧୮୦ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି। ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇ ୩୪,୨୭୯ରେ ପହଁଞ୍ଚିଛି । Sambad is now on WhatsApp Join and get latest news updates delivered to you via WhatsApp Join Now ସେହିପରି ଜୁନ ୨୨ ପର୍ଯ୍ୟନ୍ତ ଜିଲ୍ଲାରୁ ୯୫.୫୬ ପ୍ରତିଶତରୁ ଅଧିକ ହାରରେ ୩୨,୫୮୬ ଜଣ ସୁସ୍ଥ ହୋଇ ଫେରିଥିବା ସମୟରେ ଜୁନ ୨୩ ଅପରାହ୍ନ ସୁଦ୍ଧା ୪.୫୭ ପ୍ରତିଶତ ହାରରେ ୧,୫୬୬ ଜଣ ସକ୍ରିୟ ଅଛନ୍ତି। ଏହି ସମୟରେ ଚିକିତ୍ସାଧୀନ ଅବସ୍ଥାରେ ଜିଲ୍ଲାରେ ୦.୩୬ ପ୍ରତିଶତ ହାରରେ ୧୨୪ ଜଣଙ୍କର ମୃତ୍ୟୁ ହୋଇଛି । ସେହିପରି ଅନ୍ୟ କାରଣରୁ ୩ ଜଣଙ୍କର ମୃତ୍ୟୁ ହୋଇଥିବାର ଓଡ଼ିଶା ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସୂତ୍ରରୁ ଜଣାପଡ଼ିଛି ।