୩୮ଲିଟର ବିଦେଶୀ ମଦ ଜବତ,୪ଗିରଫ

ଜୟପୁର: ଜୟପୁର ଟାଉନଥାନା ପୁଲିସ ସହରର ବିଭିନ୍ନ ଛକରେ ଚଢ଼ାଉ କରି ବିଦେଶୀ ମଦ ବିକ୍ରୀ ଅଭିଯୋଗରେ ୪ଜଣଙ୍କୁ ଗିରଫ କରି କୋର୍ଟକୁ ଚାଳାଣ କରିଛି। ଏହି ଚାରି ଅଭିଯୁକ୍ତଙ୍କ ନିକଟରୁ ୩୮ଲିଟର ବିଦେଶୀ ମଦ ଜବତ କରିବା ସହ କୋର୍ଟକୁ ଚାଳାଣ କରାଯାଇଥିବା କହିଛନ୍ତି ଟାଉନଥାନା ଅଧିକାରୀ ସମ୍ବିତ‌ ବେହେରା।

ବେଢ଼ା ସାହିରେ ଚଢ଼ାଉ କରି ୭ଲିଟର ବିଦେଶୀ ମଦଜବତ କରିବା ସହ ଅଭିଯୁକ୍ତ ଏନ୍ .ଜଗଦୀଶ୍ବର ରାଓଙ୍କୁ ଗିରଫ କରାଯାଇଛି। ସେଭଳି ନୂଆସାହି ପ୍ରଥମ ଲାଇନରୁ ୬ଲିଟର ସହ ଅଭିଯୁକ୍ତ ଚନ୍ଦନ ସ୍ବାଇଁ , ସମ୍ବାରତୋଟରେ ଚଢ଼ାଉ କରି ୫ଲିଟର ସହ ରାମକୃଷ୍ଣ ମାଝୀ ଓ ଗଡ଼ିଆଧୋବା ସାହିରେ ଚଢ଼ାଉ କରି ୨୦ଲିଟର ବିଦେଶୀ ମଦ ଜବତ କରିବା ସହ  ସୁରେଶ ନାୟକଙ୍କୁ ଗିରଫ କରି କୋର୍ଟକୁ ଚାଳାଣ କରାଯାଇଥିବା କହିଛନ୍ତି ତଦନ୍ତକାରୀ ଅଧିକାରୀ ସବଇନିସପେକ୍ଟର ବିଷ୍ଣୁ ଚରଣ ବେହେରା।