ଶିଶୁ କିଣାବିକା କରି ଚାରି ମହିଳା ଗିରଫ, ଜଣେ ଫେରାର
ରାଉରକେଲା : ଶିଶୁ କିଣାବିକା ଘଟଣାରେ ରାଉରକେଲା ପ୍ଲାଣ୍ଟସାଇଟ ପୁଲିସ ଚାରିଜଣ ମାରାୱାଡି ମହିଳାଙ୍କୁ ଗିରଫ କରିଛି । ଅନ୍ୟ ଜଣେ ଫେରାର ଅଛି । ଗିରଫ ମହିଳାମାନେ ଟିମ୍ବର କଲୋନିର ଜଣେ ମହିଳାଙ୍କ ଠାରୁ ୩୦ହଜାର ଟଙ୍କାରେ ଶିଶୁକନ୍ୟାକୁ କିଣୁ ଥିଲାବେଳେ ପୁଲିସ ସେମାନଙ୍କୁ କାବୁ କରିଥିଲା । ସେମାନେ ଗତ ୨୧ତାରିଖରେ ଗାନ୍ଧୀରୋଡ଼ରେ ଜଣେ କୁମାରୀ ମା’ର ନବଜାତ ଶିଶୁ କନ୍ୟାକୁ ୩୦ ହଜାରରେ କିଣି ଅଢେଇ ଲକ୍ଷ ଟଙ୍କାରେ ବିକି ଦେଇଥିଲେ । ପୁଲିସ ସୂଚନାପାଇ ଏହି ମହିଳା ରାକେଟକୁ ଧରିବାକୁ ଚଢ଼ଉ କରିଥିଲେ ମଧ୍ୟ ଅସଫଳ ହୋଉଥିଲା ।
Sambad is now on WhatsApp
Join and get latest news updates delivered to you via WhatsApp
ଗତକାଲି ସମାନ ଢଙ୍ଗର କାରବାର ଚାଲିଥିବା ସୂଚନା ପାଇ ସ୍ଥାନୀୟ ଅଞ୍ଚଳର ପୂର୍ଵତନ କାଉନସିଲର ପ୍ରମିଳା ଦାସ ପ୍ଲାଣ୍ଟ ସାଇଟ ଥାନାକୁ ଜଣାଇଥିଲେ । ପ୍ରମିଳାଙ୍କ ସୂଚନା ଆଧାରରେ ପୁଲିସ ଯୋଜନା ତିଆରି କରିଥିଲା । ଚାରି ମହିଳା ରାତିରେ ଟିମ୍ବର କଲୋନିରେ ପହଞ୍ଚି ଶିଶୁ କନ୍ୟାକୁ କିଣୁଥିବା ବେଳେ ପୂର୍ବରୁ ଲୁଚି ରହିଥିବା ପୁଲିସ ଟିମ ଚାରି ମହିଳାଙ୍କୁ ଘଟଣାସ୍ଥଳରୁ ଗିରଫ କରିଥିଲା ।