ଟ୍ରକ ସହ ୪୫୨ କିଲୋ ଗଞ୍ଜେଇ ଜବତ, ୬ ଗିରଫ
ଅଡ଼ବା: ଗଜପତି ଅଡ଼ବା ଥାନା ଖରିଗୁଡା ପଞ୍ଚାୟତ ଉଲିଆପଦା ଛକ ଠାରେ ପୁଲିସ ଚଢ଼ଉ କରି ୪୫୨ କିଲୋ ଗଞ୍ଜେଇ ଜବତ କରିବା ସହ ଚୋରା ଚାଲାଣ ଅଭିଯୋଗରେ ୬ ଜଣଙ୍କୁ ଗିରଫ କରିଛି. ଏହାସହ ଅଭିଯୁକ୍ତଙ୍କ ବ୍ୟବହାର କରିଥିବା ଗୋଟିଏ ଟ୍ରକ , ଗୋଟିଏ ଅଟୋ ଓ ଦୁଇଟି ବାଇକ୍କୁ ମଧ୍ୟ ପୁଲିସ ଜବତ କରିଥିବା ଜଣାପଡ଼ିଛି। ଅଭିଯୁକ୍ତଙ୍କ ମଧ୍ୟରେ ଦୁଇ ଜଣ ବିହାର ରାଜ୍ୟର ହୋଇଥିବା ବେଳେ ଅନ୍ୟ ୪ ଜଣ ଅଡ଼ବା ଥାନା ଅଞ୍ଚଳର ବୋଲଇ ପୁଲିସ ସୁଚନା ଦେଇଛି। ଧରାପଡ଼ିଥିବା ଅଭିଯୁକ୍ତମାନେ ହେଲେ ବିହାରର ଟ୍ରକ୍ ଡ୍ରାଇଭର ପଙ୍କଜ କୁମାର ପାଶ୍ବାନ(୨୫) ଓ ସନ୍ତୋଷ ଭଗତ(୪୦), ଅଡ଼ବା ଥାନା ଗୁଡ୍ରିପାଙ୍କାର ଆଦି ନାୟକ(୨୧) , ରେଜିସ୍ ନାୟକ(୫୪) , ଶୁଣ୍ଡିପଦାର ପ୍ରଦୀପ ନାୟକ(୩୫) , ଓ ପାରାମାଗୁଡ଼ାର କିଶାନ୍ତ ନାୟକ(୨୫) । ସମସ୍ତ ଅଭିଯୁକ୍ତଙ୍କୁ ପୁଲିସ କେସ ନଂ ୮୮/୨୧ରେ ମାମାଲା ରୁଜୁ କରି କୋର୍ଟ ଚାଲାଣ କରିଛି. . ଏସ୍ଆଇ. ରତିରଞ୍ଜନ ନାୟକ ଏହାର ଜଦନ୍ତ ଭାର ନେଇଥିବା ବେଳେ ଜବତ ହୋଇଥିବା ଗଞ୍ଜେଇର ଅନୁମାନିକ ମୂଲ୍ୟ ପ୍ରାୟ୨୫ ଲକ୍ଷ ଟଙ୍କା ହେବ ଥାନାଧିକାରୀ ଆନନ୍ଦ ଚନ୍ଦ୍ର ପାତ୍ର ସୂଚନା ଦେଇଛନ୍ତି। ଏସ୍ଆଇ. ହୃଷିକେଶ ପଣ୍ଡାଙ୍କ ନେତୃତ୍ୱରେ ପୁଲିସ ଏହି ଚଢ଼ଉ କରିଥିଲା।