କୁଟୁରା ମାଂସ ସହ ୬ ଜଣ ଶିକାରୀ ଗିରଫ

ବାରିପଦା: ପଶୁ ଶିକାର କରି ମାଂସ ଭାଗ କରୁଥିବାବେଳେ ମାଡିବସିଲା ବନ ବିଭାଗ | ଆଉ ୬ ଜଣ ଶିକାରୀ ସମେତ ମାଂସ ଓ ଧନୁତୀରକୁ ଜବତ କରିଛି | ମୟୁରଭଞ୍ଜ ଜିଲ୍ଲା ଠାକୁରମୁଣ୍ଡାରେ କିଛି ଏଭଳି ଘଟଣା ଘଟିଛି |

ମିଳିଥିବା ସୂଚନା ମୁତାବକ ଠାକୁରମୁଣ୍ଡା ବନାଞ୍ଚଳ ଅନ୍ତର୍ଗତ ଡୁମୁରଡିହା ଗ୍ରାମରେ ଏକ କୁଟୁରା ଶିକାର କରି ୬ ଜଣ ଶିକାରୀ ମାଂସ ଭାଗ କରୁଥିଲେ । ଶନିବାର ରାତି ୧୦ଟା ବେଳେ ଠାକୁରମୁଣ୍ଡା ରେଞ୍ଜ ଅଧିକାରୀ ପେଟ୍ରୋଲିଙ୍ଗ କରୁଥିବା ସମୟରେ ମାଂସ ଭାଗ କରୁଥିବା ନେଇ ଖବର ପାଇଥିଲେ | ଆଉ ସଦଳବଳେ ଚଢ଼ାଉ କରି ୧୨ କିଲୋଗ୍ରାମ ମାଂସ, ଧନୁ ତୀର ସହ ୬ଜଣଙ୍କୁ ଗିରଫ କରିଛନ୍ତି ।