ଖୋର୍ଦ୍ଧା: ଖୋର୍ଦ୍ଧା ଗ୍ରାମାଞ୍ଚଳରେ କରୋନା ଭୂତାଣୁ ସଂକ୍ରମଣର ଦ୍ୱିତୀୟ ଲହର ତୀବ୍ରଗତିରେ ବଢ଼ିଚାଲିଛି । ଗତକାଲି ଦୈନିକ ସଂକ୍ରମଣ ୫୩ ଥିବା ବେଳେ ଆଜି ଏହା ବୃଦ୍ଧି ପାଇ ୬୮ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଜିଲ୍ଲା ଆପାତ୍କାଳୀନ ବିଭାଗ ପକ୍ଷରୁ ମିଳିଥିବା ସୂଚନାନୁସାରେ, ଆଜି ଦୈନିକ ଚିହ୍ନଟ ହୋଇଥିବା ୬୮ ଜଣ ସଂକ୍ରମିତଙ୍କ ମଧ୍ୟରୁ ଖୋର୍ଦ୍ଧା ସହର ଓ ବ୍ଲକରୁ ସର୍ବାଧିକ ୧୨, ବାଲିପାଟଣାରୁ ୧୦, ବୋଲଗଡ଼ରୁ ୯, ବାଲିଅନ୍ତାରୁ ୮, ବେଗୁନିଆରୁ୩, ଟାଙ୍ଗୀରୁ ୭, ବାଣପୁରରୁ ୩, ଜଟଣୀରୁ ୮ ଜଣଙ୍କୁ ଚିହ୍ନଟ କରାଯାଇଛି । ସେହିଭଳି ଅନ୍ୟ ଜିଲ୍ଲାରୁ ଖୋର୍ଦ୍ଧା ଆସିଥିବା ଜଣେ ଓ ଭୁବନେଶ୍ୱର ମହାନଗର ନିଗମରୁ ଖୋର୍ଦ୍ଧା ଆସିଥିବା ୨ଜଣ କରୋନା ପଜିଟିଭ୍ ଥିବା ଜଣାପଡ଼ିଛି । ଆଜିର ସଂକ୍ରମିତଙ୍କ ସଂଖ୍ୟା ସହ ମୋଟ ସକ୍ରିୟ ସଂକ୍ରମିତଙ୍କ ସଂଖ୍ୟା ୨୬୪ ହୋଇଛି ।
ଆଜି ୬୦୪ଟି ରାପିଡ୍ ଆଂଟିଜେନ୍ ଓ ୩୨୦ଟି ଆର୍ଟିପିସିଆର୍ ପରୀକ୍ଷଣ କରାଯାଇଥିଲା । ଏହା ମଧ୍ୟରୁ ୮ ପ୍ରତିଶତ ସଂକ୍ରମିତଙ୍କୁ ଚିହ୍ନଟ କରାଯାଇଛି । ଆଜି ସଂଧ୍ୟାସୁଦ୍ଧା ଆସିଥିବା ରିପୋର୍ଟରେ ସଂକ୍ରମିତଙ୍କ ସଂଖ୍ୟା ଆହୁରି ବୃଦ୍ଧି ପାଇବା ସମ୍ଭାବନା ରହିଛି ବୋଲି ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ ଜଣାଯାଇଛି ।