ମଧ୍ୟାହ୍ନ ଭୋଜନରେ ଝିଟିପିଟି ଯୋଗୁ ୬୫ ଛାତ୍ରଛାତ୍ରୀ ଅସୁସ୍ଥ
ଯାଜପୁର: ଯାଜପୁର ଜିଲ୍ଲା ସୁକିନ୍ଦା ବ୍ଲକ କୁହିକା ପଞ୍ଚାୟତ ବାମ୍ବିଲୋର ଭାସ୍କର ନୋଡାଲ ଉପ୍ରା ବିଦ୍ୟାଳୟରେ ମଧ୍ୟାହ୍ନ ଭୋଜନରେ ଝିଟିପିଟି ପଡିବା କାରଣରୁ ଉକ୍ତ ଖାଦ୍ୟଖାଇ ବହୁ ଛାତ୍ରଛାତ୍ରୀ ଅସୁସ୍ଥ ହୋଇଥିବାର ଅଭିଯୋଗ ହୋଇଛି l ଆଜି ସ୍କୁଲକୁ ୬୫ ଜଣ ଛାତ୍ରଛାତ୍ରୀ ଆସିଥିବାବେଳେ ସବୁ ପିଲା ଖାଇ ସାରିବା ପରେ ଡାଲମାରେ ଏକ ଝିଟିପିଟି ମୁଣ୍ଡ ଭାସୁଥିବା ପାଚିକା ଓ ସହାୟିକା ଦେଖିଥିଲେ l
Sambad is now on WhatsApp
Join and get latest news updates delivered to you via WhatsApp
ସେତେବେଳକୁ ମଧ୍ୟାହ୍ନ ଭୋଜନ ଖାଇଥିବା ପିଲାମାନଙ୍କର ପେଟରେ ଯନ୍ତ୍ରଣା ଅନୁଭବ ହୋଇଥିଲା। ସମସ୍ତ ଅସୁସ୍ଥ ଛାତ୍ରଛାତ୍ରୀଙ୍କୁ ସୁକିନ୍ଦା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା କରାଯାଉଛି l ସମସ୍ତେ ପ୍ରାୟ ସୁସ୍ଥ ଥିବା ସୂଚନା ମିଳିଛି l ସରପଞ୍ଚ ଅଶ୍ୱିନୀ ପରିଡା ଚିକିତ୍ସାଧୀନ ଛାତ୍ରଛାତ୍ରୀଙ୍କ ନିକଟରେ ସ୍ୱାସ୍ଥ୍ୟକେନ୍ଦ୍ରରେ ଥିବାବେଳେ ସମିତିସଭ୍ୟ ରଞ୍ଜନ କୁମାର ନାୟକ ବିଦ୍ୟାଳୟରେ ପହଞ୍ଚି ଛାତ୍ରଛାତ୍ରୀଙ୍କଠାରୁ ପରିସ୍ଥିତି ବିଷୟରେ ପଚାରି ବୁଝିବା ସହ ସ୍ଥିତି ଅନୁଧ୍ୟାନ କରିଛନ୍ତି l ତେଵେ ପ୍ରଧାନଶିକ୍ଷକ ଆଜି ବିଦ୍ୟାଳୟରେ ଅନୁପସ୍ଥିତ ଥିବା ଖବର ମିଳିଛି l