ମହୁଲ ପୋଚ ଖାଇ ୭ ମେଣ୍ଢା ମୃତ, ୨୮ ଅସୁସ୍ଥ
ତେନ୍ତୁଳିଖୁଣ୍ଟି : ଗାଁ ଗାଁ ରେ ଚାଲିଛି ବେଆଇନ ମହୁଲି ମଦ କାରବାର, ଏଥି ନିମନ୍ତେ ବ୍ୟବହୃତ ମହୁଲ ପୋଚକୁ ଏଣେତେଣେ ଫୋପଡା ଯାଉଛି । ଫଳରେ ଏହି ପୋଚକୁ ଖାଇ ଅନେକ ଗାଈ ଗୋରୁ ମେଣ୍ଢା ଛେଳି ମୃତ୍ୟୁ ମୁଖରେ ପଡ଼ୁଥୁବା ବେଳେ ଚାଷୀ କ୍ଷତିଗ୍ରସ୍ତ ହେଉଛନ୍ତି । ଏଭଳି ଏକ ଘଟଣା ତେନ୍ତୁଳିଖୁଣ୍ଟି ବ୍ଲକ ଅନ୍ତର୍ଗତ କଣ୍ଟାଗାଁ ଗ୍ରାମରେ ଦେଖୁବାକୁ ମିଳିଛି । ଫିଙ୍ଗା ଯାଇଥିବା ମହୁଲ ପୋଚ ଖାଇ ସାତଟି ମେଣ୍ଢା ମୃତ୍ୟୁ ବରଣ କରିଥୁବା ବେଳେ ୨୮ ରୁ ଅଧିକ ଅସୁସ୍ଥ ଥୁବା ଜଣାପଡିଛି । ଖବର ପାଇ ତେନ୍ତୁଳିଖୁଣ୍ଟି ପ୍ରାଣୀ ଚିକିତ୍ସା କେନ୍ଦ୍ରର କର୍ମଚାରୀ କଣ୍ଟାଗାଁରେ ପହଞ୍ଚି ଅସୁସ୍ଥ ମେଣ୍ଢାମାନଙ୍କୁ ଚିକିତ୍ସା କରିବା ପରେ ସେମାନେ ସୁସ୍ଥ ହୋଇଥିବା ଜଣାପଡିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ କଣ୍ଟାଗାଁ ଗ୍ରାମର କେଶବ ଶବରଙ୍କ ପୁଅ ଦେସନ ଶବର ତାଙ୍କ ପ୍ରାୟ ୩୫ ଟି ଛେଳି ମେଣ୍ଢାକୁ ନେଇଁ ନିକଟସ୍ଥ କାଜୁ ବାଡ଼କୁ ଚୋରାଇବାକୁ ନେଇଥିଲେ ! ନିକଟରେ ମଦ ବ୍ୟବସାୟ କରିବା ପାଇଁ ମହୁଲ ପୋଚ ତିଆରି ହେଉଥିବା ବେଳେ ମଦ ପ୍ରସ୍ତୁତ ପରେ ଉକ୍ତ ମହୁଲ ପୋଚକୁ କାଜୁ ବଗିଚାରେ କେହି ଫିଙ୍ଗି ଦେଇ ଚାଲିଯାଇଥିଲେ ! ମେଣ୍ଢା ମାନେ ଚରିବା ସମୟରେ ଉକ୍ତ ମହୁଲ ପୋଚକୁ ଖାଇଦେଇଥିଲେ ! ଏହା ଖାଇବା ପରେ ସମସ୍ତ ମେଣ୍ଢା ବାନ୍ତି କରିବା ସହ ଅସୁସ୍ଥ ହୋଇ ପଡ଼ିଥିଲେ ! ସେଥିରୁ ସାତୋଟି ମେଣ୍ଢା କାଜୁ ବଗିଚାରେ ହିଁ ମୃତ୍ୟୁ ବରଣ କରିଥୁବା କେଶବ ପ୍ରକାଶ କରିଛନ୍ତି ! ମଦ ବ୍ୟବସାୟୀ ମାନେ ମଦକୁ ଅଧିକ ନିଶାଯୁକ୍ତ କରିବା ସକାଶେ ମହୁଲ ପୋଚରେ ବେଟେରି ଗୁଣ୍ଡ ସମେତ ବିଭିନ୍ନ ରାସାୟନିକ ସାର ପ୍ରୟୋଗ କରୁଛନ୍ତି ! ମେଣ୍ଢା ଚାଷ କରି ଜୀବିକା ନିର୍ବାହ କରୁଥିବା କେଶବଙ୍କ ସାତୋଟି ମେଣ୍ଢା ଏକ ସଙ୍ଗରେ ମରିଯିବାପରେ ସେ ଦୁଃଖରେ ଭାଙ୍ଗି ପଡିଛନ୍ତି ।