୯ ବାଇକ୍‌ ଜବତ, ୨ ଗିରଫ

ଖୋର୍ଦ୍ଧା: ଖୋର୍ଦ୍ଧା ଟାଉନ୍‌ ଥାନା ପୁଲିସ ସୋମବାର ୨ଜଣ ଯୁବକଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ଚୋରି ଯାଇଥିବା ୯ଟି ବାଇକ୍‌, ସ୍କୁଟି ଆଦି ଜବତ କରିଛି।

ମିଳିଥିବା ସୂଚନାରେ ଗତ କିଛି ଦିନ ଧରି ଖୋର୍ଦ୍ଧାରେ କ୍ରମାଗତ ଭାବେ ବିଭିନ୍ନ ଜନଗହଳି ସ୍ଥାନରୁ ବାଇକ୍‌, ସ୍କୁଟି ଆଦି ​ଚୋରିହେଉଥିଲା। ଏନେଇ ଥାନାରେ ଏକାଧିକ ଲିଖିତ ଅଭିଯୋଗ ହୋଇଥିଲା। ଶେଷରେ ଅନୁସନ୍ଧାନରୁ ଚୋରି ହୋଇଥିବା ଏକ ବାଇକ୍‌ ବାଜପୁର ନିକଟ ଏକ ଗ୍ୟାରେଜରୁ ଉଦ୍ଧାର ହୋଇଥିଲା। ବ୍ୟକ୍ତି ଜଣକ ଏହି ବାଇକ୍‌ଟିକୁ ଜଣେ ବ୍ୟକ୍ତିଙ୍କ ଠାରୁ ମାତ୍ର ୩ ହଜାର ଟଙ୍କାରେ କିଣିଥିବା କହିଥିଲେ। ପଚରାଉଚୁରାରେ ପୁଲିସ ଗାଡ଼ି ଚୋରି କରି ବିକ୍ରି କରୁଥିବା ଗ୍ୟାଙ୍ଗର ଦୁଇ ସଦସ୍ୟଙ୍କୁ ଧରିବାରେ ସକ୍ଷମ ହୋଇଥିଲା। ଗିରଫ ହୋଇଥିବା ଯୁବକମାନେ ହେଲେ ବାଜପୁର ତେଣ୍ଡାକୁଅସାହିର କିରଣ କୁମାର ଜେନା ଓ ରଫଗୁଡ଼ୁନା (୨୫) ଓ କାଚରିସାହିର ନାରାୟଣ ବେହେରା ଓରଫ ମଙ୍ଗୁ (୨୯)। ଉଭୟଙ୍କ ଠାରୁ ଗୋଟିଏ ଟିଭିଏସ୍‌ ଆପାଚି, ପଲସର ୧୫୦, ପଲସର ୨୨୦, ଦୁଇଟିଗ୍ଲାମର, ଗୋଟିଏ ୟାମାହାଏଫ୍‌ଜେଡ୍‌, ହିରୋସିଡିଡିଲକ୍ସ, ଦୁଇଟି ହୋଣ୍ଡାଆକ୍ଟିଭା ସ୍କୁଟି ଜବତ କରାଯାଇଛି। ଦୁଇଅଭିଯୁକ୍ତଙ୍କୁ ୯୩/୨୦୨୩ ମାମଲାରେ କୋର୍ଟ ଚାଲାଣ କରାଯାଇଛି।

ଅଭିଯୁକ୍ତମାନେ ଗାଡ଼ି ଚୋରାଇ ନେବା ପରେ ଗାଡ଼ିଗୁଡ଼ିକର ନମ୍ବରପ୍ଲେଟ, ରଙ୍ଗ ଆଦି ବଦଳାଇ ବିକ୍ରିକରି ଦେଇଥାନ୍ତି। ଚୋରାରେ ବିକ୍ରି ହେଉଥିବା ଅନେକ ଗାଡ଼ି ବେଆଇନ ମାଙ୍କଡ଼ାପଥର ଖଣି​ ଓ ବ୍ରାଉନ୍‌ସୁଗାର ଆଦି ନିଶାଦ୍ରବ୍ୟ ଚାଲାଣରେ ବ୍ୟବହୃତ ହେଉଥିବା ଜଣେ ବରିଷ୍ଠ ପୁଲିସ ଅଧିକାରୀ କହିଛନ୍ତି।