ଖୋର୍ଦ୍ଧା: ପୂର୍ବତନ ପ୍ରଧାନମନ୍ତ୍ରୀ, ଭାରତରତ୍ନ ଅଟଳ ବିହାରୀ ବାଜପେୟୀଙ୍କ ଜୟନ୍ତୀ ତଥା ସୁଶାସନ ଦିବସ ଆଜି ଖୋର୍ଦ୍ଧା ନିର୍ବାଚନ ମଣ୍ଡଳୀ ବିଜେପି ପକ୍ଷରୁ ପାଳିତ ହୋଇଯାଇଛି।

Advertisment

ମଳିପଡ଼ାସ୍ଥିତ ଦଳୀୟ କାର୍ଯ୍ୟାଳୟରେ ଏନେଇ ଅନୁଷ୍ଠିତ କାର୍ଯ୍ୟକ୍ରମରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ବରିଷ୍ଠ ବିଜେପି ନେତା କାଳୁ ଚରଣ ଖଣ୍ଡାୟତରାୟ ଅଧ୍ୟକ୍ଷତା କରିଥିଲେ। ରାଜ୍ୟ କୃଷକ ମୋର୍ଚ୍ଚା ଉପସଭାପତି ଶ୍ରୀରଂଜନ ମଙ୍ଗରାଜ ସଂଯୋଜନା କରିଥିବା ବେଳେ ଓବିସି ମୋର୍ଚ୍ଚା ରାଜ୍ୟ ସମ୍ପାଦକ କେଳୁ ଜଗଦ୍ଦେବ ଅତିଥି ଭାବେ ଯୋଗ ଦେଇଥିଲେ। ଅଟଳ ବିହାରୀ ବାଜପେୟୀଙ୍କ ତ୍ୟାଗପୂତ ଜୀବନ ଓ ଦେଶ ପାଇଁ ତାଙ୍କ ସ୍ୱପ୍ନ ସମ୍ପର୍କରେ ଆଲୋଚନା କରାଯାଇଥିଲା । ବାଜପେୟୀଙ୍କ ସ୍ୱର୍ଣ୍ଣ ଚତୁର୍ଭୁଜ ସଡକ ଯୋଜନାରେ ନିର୍ମିତ ରାଜପଥକୁ ବାଜପେୟୀଙ୍କ ନାମରେ ନାମିତ କରିବାକୁ ଏକ ପ୍ରସ୍ତାବ ଗୃହୀତ ହୋଇଥିଲା।

କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଟାଙ୍ଗୀ ବ୍ଲକର ପୂର୍ବତନ ସଭାପତି ସୁନୀଲ ପଟ୍ଟନାୟକ, ପୂର୍ବତନ ନଗର ସଭାପତି ସୂର୍ଯ୍ୟନାରାୟଣ ଦାଶ, ବଡ଼ପୋଖରିଆ ମଣ୍ଡଳ ସଭାପତି ବିପିନ ପାଲଟାସିଂହ, ନିରାକାରପୁର ମଣ୍ଡଳ ସଭାପତି ଆଲୋକ ରଂଜନ ଛୋଟରାୟ, ମଧ୍ୟ ମଣ୍ଡଳ ସାଧାରଣ ସମ୍ପାଦକ ରଂଜନ ବରାଳ, ଯୁବନେତା କିଶୋର ବରାଳ, ପ୍ରମୋଦ ପ୍ରଧଶନ, ଜାନକୀ ବଲ୍ଲଭ ବେହେରା, ଦେବେନ୍ଦ୍ର ପ୍ରଧାନ, ସମିତି ସଭ୍ୟ ଅମରେନ୍ଦ୍ର ବଳିଆରସିଂହ, ସଂଖ୍ୟାଲଘୁ ନେତା ବାସା ଖାଁ ପ୍ରମୁଖଙ୍କ ସହ ଶତାଧିକ ବ୍ୟକ୍ତି ଉପସ୍ଥିତ ଥିଲେ।