ଏକାଠି ଲେଖାଥିଲା ବାପ-ଝିଅଙ୍କ ମରଣଯୋଗ; ବାଇକ୍‌ ଦୁର୍ଘଟଣାରେ ଚାଲିଗଲା ଜୀବନ

ବାଲିଗୁଡା: କନ୍ଧମାଳ ଜ଼ିଲ୍ଲା ବାଲିଗୁଡା ଥାନା ଅନ୍ତର୍ଗତ ଜକିକିଆ ଗାଁ ନିକଟ ୫୯ନମ୍ବର ଜାତୀୟ ରାଜପଥରେ ସୋମବାର ଅପରାହ୍ନ ସମୟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ବାପ- ଝିଅଙ୍କ ଘଟଣାସ୍ଥଳରେ ମୃତ୍ୟୁ ହେବାର ଏକ ଦୁଃଖଦ ଘଟଣା ସାମ୍ନାକୁ ଆସିଛି। ମୃତ ପିତାଙ୍କ ନାମ ବିପ୍ରବର ସାହୁ ଓ ଝିଅ ନାମ ବାସନ୍ତୀ ସାହୁ ବୋଲି ଜଣାପଡ଼ିଛି। ଖବର ପାଇ ବାଲିଗୁଡା ଥାନା ପୁଲିସ ଘଟଣାସ୍ଥଳରେ ପହଁଞ୍ଚି ତଦନ୍ତ ଜାରି ରଖିଛି।

ପ୍ରକାଶିତ ରିପୋର୍ଟ ମୁତାବକ, ଗୋଟିଏ ବାଇକ୍‌ରେ ଆଜି ବାପ ବିପ୍ରବର ସାହୁ ଓ ଝିଅ ବାସନ୍ତୀ ସାହୁ କୌଣସି କାମ ସାରି ଘରକୁ ଫେରୁଥିଲେ। ଏହି ସମୟରେ ହଠାତ ବିପରୀତ ଦିଗରୁ ଆସୁଥିବା ଆଉ ଗୋଟେ ବାଇକ୍‌ ଉକ୍ତ ବାପ-ଝିଅକୁ ଧକ୍କା ଦେଇଥିଲା। ଏହି ଧକ୍କାରେ ବାପ-ଝିଅ ବାଇକ୍‌ରୁ ତଳକୁ ପଡ଼ି ଯାଇଥିଲେ। ଫଳରେ ଘଟଣାସ୍ଥଳରେ ବାପ ଓ ଝିଅଙ୍କ ପ୍ରାଣବାୟୁ ଉଡ଼ି ଯାଇଥିଲା। ଦ୍ରୁତଗତିରେ ବାଇକ୍‌ଟି ଥିବାରୁ ଏଭଳି ଦୁର୍ଘଟଣାରେ ଘଟିଥିବା ସ୍ଥାନୀୟଲୋକଙ୍କ ପକ୍ଷରୁ ପ୍ରକାଶ।

ସମ୍ବନ୍ଧିତ ଖବର

Comments are closed.