ହରଭଙ୍ଗା: ଗୁରୁବାର ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପୁରୁଣାକଟକ ଥାନା ଅନ୍ତର୍ଗତ ଆଡେନିଗଡ଼ ଦେଇ ଖୋର୍ଦ୍ଧା-ବଲାଙ୍ଗୀର ଜାତୀୟ ରାଜପଥରେ ଯାଉଥିବା ଏକ ଥଣ୍ଡା ପାନୀୟ (ପେପସି)ବୋଝେଇ ମିନି ଟ୍ରକ ଭାରସାମ୍ୟ ହରାଇ ରାସ୍ତା ପାର୍ଶ୍ଵରେ ଥିବା ଆର ଆଇ ଅଫିସ ଭିତରକୁ ଧସେଇ ପଶି ଯାଇଛି।
Sambad is now on WhatsApp
Join and get latest news updates delivered to you via WhatsApp
ପ୍ରାପ୍ତ ସୂଚନା ମୁତାବକ, ଦୁର୍ଘଟଣା ଗ୍ରସ୍ତ ଓଡି ୦୨-ବିଏଫ-୬୮୭୭ ଟ୍ରକଟି ଖୋର୍ଦ୍ଧାରୁ ଥଣ୍ଡା ପେପସି ନେଇ ବଲାଙ୍ଗୀର ଅଭିମୁଖେ ଯାଉଥିଲା। ହେଲେ ଗାଡି ଚାଳକଙ୍କ ଆଖି ଲାଗିଯିବାରୁ ଚଳନ୍ତା ଗାଡିଟି ନିୟନ୍ତ୍ରଣ ହରାଇ ରାସ୍ତା କଡରେ ଥିବା ଆଡେନିଗଡ଼ ଆର ଆଇ ଅଫିସରେ ପଶି ଯାଇଥିଲା।
ସୌଭାଗ୍ୟବଶତଃ ଗାଡି ଚାଳକ ଓ ହେଲ୍ପର ଏହି ଦୁର୍ଘଟଣାରେ ସାମାନ୍ୟ ଆହତ ହୋଇ ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି। ଖବର ପାଇ ନିକଟରେ ଥିବା ଆଡେନିଗଡ଼ ଫାଣ୍ଡି ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।