ଦୁଇ ବାଇକ ମଧ୍ୟରେ ମୁହାଁମୁହିଁ ଧକ୍କା: ୨ ଯୁବକ ମୃତ,୩ ଗୁରୁତର

କାଲିମେଳା: ଆଜି ସନ୍ଧ୍ୟା ପ୍ରାୟ ୬ଟା ସମୟରେ ମାଲକାନଗିରିର କାଲିମେଳା ମାନ୍ୟମକୋଣ୍ଡା ମୁଖ୍ୟ ରାସ୍ତାର ଏମପିଭି ୩୬ ଗ୍ରାମ ନିକଟରେ ଏକ ସଡ଼କ ଦୁର୍ଘଟଣା ଘଟି ୨ ଜଣ ଯୁବକଙ୍କର ମୃତ୍ୟୁ ହୋଇଯାଇଥିବାର ଜଣାପଡିଛି | ଏହି ସ୍ଥାନରେ ଦୁଇଟି ବାଇକ ମୁହାଁମୁଁହି ଧକ୍କା ହେବାରୁ ଘଟଣାସ୍ଥଳରେ ଦୁଇ ବାଇକ ଆରୋହୀଙ୍କ ମୃତ୍ୟୁ ହୋଇଯାଇଥିବାବେଳେ ବାଇକରେ ବସିଥିବା ୩ ଜଣ ଗୁରୁତର ଆହତ ହୋଇଛନ୍ତି |

ଦୁଇ ମୃତ ବାଇକ ଆରୋହୀଙ୍କ ନାମ ଫନି ମାଝୀ ଓ ରୀତିକ ରାୟ ହୋଇଥିବାବେଳେ ଫନିଙ୍କର ଘର ଏମପିଭି ୩୬ ଗ୍ରାମ ହୋଇଥିବାବେଳେ ରୀତିକଙ୍କ ଘର ଏମପିଭି ୮୩ ଗ୍ରାମ ବୋଲି ଜଣା ପଡିଛି | ଏଥି ସହିତ ଗୁରୁତର ଥିବା ପ୍ରସନଜିତ ସାନା, ବିଜୟ ମଣ୍ଡଳ ଓ ତାପସ ବର୍ମାନଙ୍କ ମଧ୍ୟରୁ ତାପସଙ୍କ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ମାଲକାନଗିରି ମେଡିକାଲକୁ ରେଫର କରାଯାଇଛି | ଘଟଣା ଯୋଗୁଁ ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଛି |