ସ୍କୁଟିକୁ ଧକ୍କା ଦେଇ ଡ୍ରେନ୍‌ ଉପରେ ଚଢ଼ିଗଲା ଟ୍ରକ

ପାଣିକୋଇଲି: ପାଣିକୋଇଲି ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥର ଷଠିପୁରସ୍ଥିତ ପଥପ୍ରାନ୍ତ ସେବାକେନ୍ଦ୍ର ନିକଟରେ ସଂଯୋଗୀକରଣ ରାସ୍ତାରେ ଗତ ରାତିରେ ଏକ ସ୍କୁଟିକୁ ଧକ୍କା ଦେଇ ଟ୍ରକ୍‌ଟି ଡ୍ରେନ ଉପରେ ଚଢ଼ିଯାଇଥିଲା। ଶନିବାର ରାତି ବାଲେଶ୍ବରରୁ ଏକ ବରଫ ବୋଝେଇ ଟ୍ରକ କଣ୍ଟେନର (ଓଡି ୦୧ ଏଏମ ୦୧୨୫ ) କୋଣାର୍କ ଅଭିମୁଖେ ଯାଉଥିଲା।

ଭାରସାମ୍ୟ ହରାଇ ଷଠିପୁର ପଥପ୍ରାନ୍ତ ନିକଟରେ ସଂଯୋଗୀକରଣ ରାସ୍ତାରେ ଛିଡାହୋଇଥିବା ସ୍କୁଟି (ଓଡି୩୪ ଏନ ୬୩୧୬)କୁ ଧକ୍କା ଦେଇ ରାଜପଥ ଡ୍ରେନ୍‌ ଉପରେ ଚଢ଼ି ରହିଯାଇଥିଲା। ଫଳରେ ନିକଟରେ ଥିବା ଦୁଇ ଦେକାନୀ ବର୍ତ୍ତି ଯାଇଥିଲେ। ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।