ଜେଲରେ ବିଚାରାଧୀନ କଏଦୀର ଆତ୍ମହତ୍ୟା ! ମୃତ୍ୟୁ ସନ୍ଦେହ ଘେରରେ
ସୁବର୍ଣ୍ଣପୁର: ଜିଲ୍ଲା ଉପକାରାଗାରରେ ରବିବାର ଜଣେ ବିଚାରାଧୀନ କଏଦୀଙ୍କ ମୃତଦେହ ଉଦ୍ଧାର ହୋଇଛି । ମୃତକ କଏଦୀ ଜଣକ ହେଉଛନ୍ତି ଟିକୁ ଅଜଗର।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଏପ୍ରିଲ ୨୪ ତାରିଖରେ ବିନିକାର ଜଣେ ଅଗ୍ନିଶମ କର୍ମଚାରୀଙ୍କୁ ଟିକୁ ଅଜଗର ହତ୍ୟା କରିଥିଲେ । ଏହି ଅଭିଯୋଗରେ ତାଙ୍କୁ କୋର୍ଟ ଚାଲାଣ କରାଯାଇଥିଲା । କୋର୍ଟ ତାଙ୍କୁ ସୁବର୍ଣ୍ଣପୁର ଉପକାରାଗାରକୁ ପଠାଇ ଦେଇଥିଲେ । ମୃତକ ଟିକୁର ଘର ବିନିକାର ଚମାରପଡା ହୋଇଥିବା ବୋଲି ଜଣାପଡ଼ିଛି।
ଆଜି ସକାଳେ ଜେଲର ପାଇଖାନାରୁ ତାଙ୍କର ରକ୍ତ ଜୁଡୁବୁଡୁ ମୃତଦେହ ଉଦ୍ଧାର କରାଯାଇଥିଲା । ଜେଲର କର୍ମଚାରୀ ପାଇଖାନା ଭିତରେ ଟିକୁଙ୍କ ଏଭଳି ଅବସ୍ଥା ଦେଖି ତାଙ୍କୁ ସୋନପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣିଥିଲେ ଆଉ ଏଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୁଲିସ ପକ୍ଷରୁ ଏହାକୁ ଆତ୍ମହତ୍ୟା ବୋଲି କୁହାଯାଇଛି ।