ସୁରକ୍ଷା ଲୋଡିଲେ ବାୟୁସେନା ଯବାନଙ୍କ ପରିବାର
ଜୟପୁର: ଦେଶରେ ଶତ୍ରୁ କମ୍। କିନ୍ତୁ ଦେଶ ଭିତରେ ଶତ୍ରୁ ଅଧିକ। କାମ ଛାଡ଼ି ଜୟପୁର ଉପଜିଲ୍ଲାପାଳଙ୍କ କାର୍ଯ୍ୟରେ ପହଞ୍ଚିଛନ୍ତି ବାୟୁସେନାର କାର୍ଯ୍ୟରତ ଜଣେ ଯବାନ ଓ ତାଙ୍କ ବାପା। ଗତ କିଛି ଦିନ ହେବ କିଛି ଲୋକ ତାଙ୍କ ପରିବାରବର୍ଗକୁ ଧମକଚମକ ଦେଉଥିବା ବେଳେ ଜମି ନେଇଯିବାକୁ ରାଜନୈତିକ ଚାପ ପକାଇଛନ୍ତି। ଏହା ସହ ଗଞ୍ଜାମ ଜିଲ୍ଲାର ଜଣେ ବିଧାୟକଙ୍କ କର୍ମକର୍ତ୍ତା ଓ କୋରାପୁଟ ଜିଲ୍ଲାର ଜଣେ ବାହୁବଳି ବିଧାୟକଙ୍କ ଭାଇ ଏପରି କରୁଥିବା ସେ ଜିଲ୍ଲାପାଳ, ଏସପି ଓ ଉପଜିଲ୍ଲାପାଳଙ୍କୁ ଲିଖିତ ଅଭିଯୋଗ କରିଛନ୍ତି। ବାୟୁସେନାର ବେଙ୍ଗାଲୁରୁସ୍ଥିତ ୨୬ ଇକ୍ୟୁପମେଣ୍ଟ ଡିପୋରେ କାର୍ଯ୍ୟରତ ଯବାନ ଏସ.ଜେ ବିନୟ ଆଚାରୀ ଓ ତାଙ୍କ ବାପା ସୁରକ୍ଷା ଲୋଡ଼ିଛନ୍ତି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ୧୮ବର୍ଷ ତଳେ ଆଚାରୀ ପରିବାର ମଧ୍ୟରେ ଜମିଜମାକୁ ନେଇ ବିବାଦ ହେବାରୁ ଆଇନ ଅନୁସାରେ ସମାଧାନ ହୋଇଥିଲା। ଏବେ ଜେ.ତାରକେଶ୍ୱର ଆଚାରୀ ଓ ଭୀମାରାଜୁ ଆଚାରୀ ରାଜନୈତିକ ଲୋକଙ୍କୁ ପଠାଇ ବୋରିଗୁମ୍ମାରେ ରହୁଥିବା ତାଙ୍କ ବାପା ଓ ମା’କୁ ହଇରାଣ କରୁଥିବା ସେ ଅଭିଯୋଗ କରିଛନ୍ତି। ଏନେଇ ସେ ଗତକାଲି ଜିଲ୍ଲାପାଳଙ୍କୁ ଚିଠି କରିବା ସହ ଆଜି ଉପଜିଲ୍ଲାପାଳ ଭେଟିଛନ୍ତି। ଏହାସହ ବାୟୁସେନାର କମାଣ୍ଡାଣ୍ଟଙ୍କଠାରୁ ଏକ ଚିଠି ଜିଲ୍ଲାପାଳ, ସ୍ଥାନୀୟ ପୁଲିସ, ତହସିଲଦାରଙ୍କୁ କରାଯାଇଛି ବୋଲି ସେ କହିଛନ୍ତି।