ବାରିପଦା: ମୟୂରଭଞ୍ଜ ମାଟିର ସ୍ୱାଭିମାନୀ ପୁରୁଷ, ସାଲିସ ବିହୀନ ରାଜନେତା ସ୍ବର୍ଗତଃ ଅଜୟ ଦାଶଙ୍କ ନବମ ଶ୍ରାଦ୍ଧ ବାର୍ଷିକୀ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ବାରିପଦା ବ୍ଲକର ପୂର୍ବତନ ଅଧ୍ୟକ୍ଷ ଅବନୀ ମହାନ୍ତଙ୍କ ପୌରୋହିତ୍ୟ ଓ ସମାଜକର୍ମୀ ଆଶିଷ କୁମାର ବଶାଙ୍କ ସଂଯୋଜନାରେ ସ୍ଥାନୀୟ ବେଲଗଡ଼ିଆସ୍ଥିତ ବୀଣାପାଣି କଲ୍ୟାଣ ମଣ୍ଡପ ଠାରେ ‘ଅଜୟ ଦାଶଙ୍କ ସ୍ମୃତି ସଭା ଓ ପ୍ରତିଭା ସମ୍ମାନ-୨୦୨୦ ସମାରୋହ ଅନୁଷ୍ଠିତ ହୋଇଯାଇଛି ।
Sambad is now on WhatsApp
Join and get latest news updates delivered to you via WhatsApp
କୋଭିଡ଼ କଟକଣାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ମୟୂରଭଞ୍ଜ ଜିଲାପରିଷଦ ଅଧ୍ୟକ୍ଷା ସୁଜାତା ମୁର୍ମୁ, ସମ୍ମାନୀତ ଅତିଥି ଭାବେ ପୂବତନ ମନ୍ତ୍ରୀ ସରସ୍ୱତୀ ହେମ୍ବ୍ରମ ପ୍ରମୁଖ ଯୋଗଦେଇ ସ୍ୱର୍ଗତଃ ଦାଶଙ୍କ ମୟୂରଭଞ୍ଜ ପ୍ରତି ଅବଦାନ ସମ୍ପର୍କରେ ସ୍ମୃତିଚାରଣ କରିଥିଲେ । ଅନ୍ୟମାନଙ୍କ ମଧ୍ୟରେ ଆଇନଜୀବୀ କୃଷ୍ଣଚନ୍ଦ୍ର ଦାସ ଓ ପ୍ରବୀର କୁମାର ବସା ଉପସ୍ଥିତ ଥିଲେ। ଅତିଥିମାନେ ଜିଲାର ସଫଳ ଗୀତିକାର ନିମାଁଇ ମହାନ୍ତି ଓ ରାଜନୈତିଜ୍ଞ ତଥା ସମାଜସେବୀ ଅରବିନ୍ଦ ଦାସ(ଗାନ୍ଧୀବାବୁ)ଙ୍କୁ ସମିତି ପକ୍ଷରୁ ଉପଢୌକନ ଓ ମାନପତ୍ର ଦେଇ ସମ୍ବର୍ନ୍ଧିତ କରାଯାଇଥିଲା।
ସେହିପରି ମାଟ୍ରିକ ପରୀକ୍ଷାରେ ସର୍ବାଧିକ ନମ୍ବର ରଖି କୃତିତ୍ୱ ହାସଲ କରିଥିବା ୩ଜଣ ଛାତ୍ରଙ୍କୁ ବୃତ୍ତି ଏବଂ ଓ ପିତାମାତାଙ୍କୁ ହରାଇ ପାଠପଢ଼ୁଥିବା ଡ଼ିପ୍ଲୋମା ଛାତ୍ରଙ୍କୁ ଆର୍ଥିକ ସହାୟତା ପ୍ରଦାନ କରାଯାଇଥିଲା । ଶେଷରେ ଦିବଂଗତ ଅଜୟ ଦାଶଙ୍କ ପରିବାର ପକ୍ଷରୁ ମୁଖ୍ୟଅତିଥିଙ୍କୁ ସ୍ମୃତି ଉପହାର ପ୍ରଦାନ କରିବା ଉପରାନ୍ତେ ଆଇନଜୀବୀ ମନୋରଞ୍ଜନ ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ ।