ଅନୁଗୁଳ : ଚାଷୀଙ୍କୁ ଦଳି ମାରିଲା ଦନ୍ତା
ଅନୁଗୁଳ : ଅନୁଗୁଳ ସହର ଉପକଣ୍ଠ ଏକ ଗାଁରେ ଦନ୍ତାହାତୀ ପଶି ଜଣକୁ ମାରିଦେବା ସହ ବ୍ୟାପକ କ୍ଷୟକ୍ଷତି କରିଥିବା ଜଣାପଡ଼ିଛି । ଘଟଣାସ୍ଥଳରେ ବନବିଭାଗ ଓ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ଅନୁଗୁଳ ଉପକଣ୍ଠ ଡେରଜାଙ୍ଗ ଡ୍ୟାମ ନିକଟରେ ଥିବା ହରିବେରେଣୀ ଗାଁରେ ଏକ ଦନ୍ତାହାତୀ ପଶି ବିଲକୁ ଯାଉଥିବା ଜଣେ ଚାଷୀଙ୍କୁ ମାରିଦେଇଛି । ମୃତ ଚାଷୀଙ୍କ ନାମ ପାଣ୍ଡବ ସାହୁ ଓ ତାଙ୍କ ବୟସ ୬୫ ବର୍ଷ ଥିବା ଜଣାପଡ଼ିଛି । ହରିବେରେଣୀ ଗାଁରେ ଉତ୍ପାତ କରିବା ପରେ ଦନ୍ତାହାତୀଟି ନିକଟସ୍ଥ ମୂଷାପାପୁଲି ଗାଁକୁ ଯାଇ ବ୍ୟାପକ କ୍ଷୟକ୍ଷତି କରିଥିବା ଜଣାପଡ଼ିଛି । ଗାଁ ନିକଟରେ ଥିବା ଏକ ଇସ୍କନ ମନ୍ଦିର ଆଖପାଖରେ ହାତୀ କ୍ଷୟକ୍ଷତି କରିଥିବା ଜଣାଯାଇଛି । ଘଟଣାସ୍ଥଳରେ ବନବିଭାଗ ଓ ପୁଲିସ ପହଞ୍ଚି ଶବକୁ ଜବତ କରିବା ସହ ତଦନ୍ତ ଆରମ୍ଭ କରିଛନ୍ତି । ମୃତ ଚାଷୀଙ୍କ ପରିବାରକୁ କ୍ଷତିପୂରଣ ଦେବାକୁ ଗ୍ରାମବାସୀ ଦାବି କରିଛନ୍ତି ।