ବନ୍ତଳା/ପାଇକସାହି: ଅନୁଗୁଳ ଜିଲ୍ଲାର ସାତକୋଶିଆ ଅଭୟାରଣ୍ୟରେ ଏକ ଅସୁସ୍ଥ ମାଈ ହାତୀକୁ ଠାବ କରାଯାଇଛି। ହାତୀର ବୟସ ପ୍ରାୟ ୨୫ବର୍ଷ ହେବ। ଗତକାଲି ବନ ବିଭାଗ କର୍ମଚାରୀ ଜଙ୍ଗଲରେ ପାଟ୍ରୋଲିଂ କରୁଥିବା ବେଳେ ଜିଲିଣ୍ଡା ରେଞ୍ଜରେ ଦୁଇଟି ମା’ ଓ ଛୁଆ ହାତୀକୁ ଠାବ କରିଥିଲେ। ମା’ ହାତୀଟି ମାଟି ଉପରେ ଶୋଇ ରହିଥିଲା। ଏକୁଟିଆ ଠିଆ ହୋଇ ପାରୁ ନ ଥିଲା। ଛୁଆ ହାତୀଟି ପାଖରେ ଠିଆ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ଘଟଣାସ୍ଥଳରେ ମାଈ ହାତୀର ଚିକିତ୍ସା ଆରମ୍ଭ କରାଯାଇଛି। ୩୦ଟି ସାଲାଇନ୍ ସହିତ ଭିଟାମିନ୍ ଆଦି ଦିଆଯାଇଛି ବୋଲି ସାତକୋଶିଆ ଡିଏଫଓ ରାମସ୍ୱାମୀ. ପି କହିଛନ୍ତି। ତଥାପି ହାତୀର ଅବସ୍ଥାରେ ସୁଧାର ଆସି ନ ଥିବା ଜଣାପଡ଼ିଛି।