ତାଳଚେର ଆକ୍ସିସ ବ୍ୟାଙ୍କରେ ଅଗ୍ନିକାଣ୍ଡ

ଅନୁଗୁଳ: ଅନୁଗୁଳ ଜିଲ୍ଲା ତାଳଚେର ସ୍ଥିତ ଆକ୍ସିସ ବ୍ୟାଙ୍କରେ ଆଜି ମଧ୍ୟାହ୍ନରେ ନିଆଁ ଲାଗି ଯାଇଥିଲା। ନିଆଁ ଲାଗି ଲକ୍ଷାଧିକ ଟଙ୍କାର କାଗଜପତ୍ର ଓ ଆସବାବପତ୍ର ପୋଡ଼ି ନଷ୍ଟ ହୋଇଯାଇଛି। ସେତେବେଳକୁ ବ୍ୟାଙ୍କରେ ଗରାଖଙ୍କ ଗହଳି ଓ କର୍ମଚାରୀ ଥିବା ବେଳେ ହଠାତ ନିଆଁ ଲାଗିଥିଲା। ହେଲେ ଅଗ୍ନିକାଣ୍ଡରୁ କାହାର କିଛି ହୋଇ ନଥିବା ଜଣାପଡ଼ିଛି।

ସଟ୍ ସର୍କିଟ ଯୋଗୁଁ ଏହି ନିଆଁ ଲାଗିଥିବା ସୂଚନା ମିଳିଛି। ଖବରପାଇ ତାଳଚେର ଅଗ୍ନିଶମ ବିଭାଗକୁ ତୁରନ୍ତ ଆସି ନିଆଁକୁ ଆୟତ୍ତ କରିଛନ୍ତି।