ପୂର୍ବ ଶତ୍ରୁତାକୁ ନେଇ ହତ୍ୟାକାଣ୍ଡ, ଜଙ୍ଗଲରୁ ମୃତଦେହ ଉଦ୍ଧାର କଲା ପୁଲିସ
ପାଲଲହଡ଼ା : ପାଲଲହଡ଼ା ବ୍ଲକ୍ ଦୁର୍ଗମ ନଗିରା ପଞ୍ଚାୟତ ଅନ୍ତର୍ଗତ ସନ୍ଧାର ଗ୍ରାମରେ ଗତ ୧୧ ତାରିଖ ରାତିରେ ସିର ମୁଣ୍ଡାରିନାମକ ଜଣେ ଲୋକକୁ ଘରୁ ଡାକି ନେଇ ତଣ୍ଟିଚିପି ହତ୍ୟା କରାଯାଇଥିବା ଅଭିଯୋଗ ହୋଇଛି । ପୂର୍ବ ଶତ୍ରୁତାକୁ କେନ୍ଦ୍ର କରି ଗୋଟିଏ ପରିବାରର ଲୋକମାନେ ଏହି ହତ୍ୟାକାଣ୍ଡ ଘଟାଇଥିବା ଅଭିଯୋଗ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଆଜି ପାଲଲହଡ଼ା ଥାନାରେ ମୃତ ବ୍ୟକ୍ତିର ପୁଅ ଚମ୍ବୁରୁ ମୁଣ୍ଡାରୀ ଲିଖିତ ଏତଲା ଦାୟର କରିବା ପରେ ପାଲଲହଡ଼ା ପୁଲିସ ଏସଡିପିଓ ଯଶବନ୍ତ ସାମଲ , ଥାନା ଆଇଆଇସି କିଶୋର କୁମାର ସାମଲ, ସବ୍ ଇନ୍ସପେକ୍ଟର ଆଶିଷ କୁମାର ଦାସ, ପୋଲିସ ସନ୍ଧାନୀ କୁକୁର ଓ ସାଇଣ୍ଟିଫିକ ଦଳ ସଂଧାର ଗ୍ରାମକୁ ଯାଇ ନିକଟସ୍ଥ ଜଙ୍ଗଲରୁ ମୃତଦେହ ଉଦ୍ଧାର କରିବା ସହ ଶବ ବ୍ୟବଚ୍ଛେଦ କରାଇଛନ୍ତି । ପାଲଲହଡ଼ା ଥାନା ଆଇଆଇସି କେସ ନମ୍ବର ଧାରା ୨୪୬ ଦଫା ୩୦୨ , ୨୦୧, ୩୪ ଆଇପିସି ରେ ମକଦ୍ଦମା ରୁଜୁ କରି ତଦନ୍ତ ଜାରି ରଖିଛନ୍ତି । ତେବେ ଏହି ହତ୍ୟାକାଣ୍ଡ ଘଟାଇଥିବା ଅଭିଯୁକ୍ତମାନେ ଫେରାର ହୋଇଯାଇଥିବା ଜଣାପଡ଼ିଛି ।