ଗଞ୍ଜାମ: ଗଞ୍ଜାମ ଜିଲ୍ଲା ଗଞ୍ଜାମ ବ୍ଲକର ସହକାରୀ ଯନ୍ତ୍ରୀ ବଂଶୀଧର ପରିଡା ସୋମବାର ଭିଜିଲାନ୍ସ ଜାଲରେ ପଡିଯାଇଛନ୍ତି। ପାଲୁରର ଗଜପତିନଗରର ଠିକାଦର ବିକ୍ରମ ଦାସଙ୍କଠାରୁ ମନରେଗା ରାସ୍ତା କାମର ୨ ଲକ୍ଷ ୧୦ ହଜାର ଟଙ୍କା ପାଇଁ ବିଲ କରାଇଦେବାକୁ ସେ ୪ ହଜାର ଟଙ୍କା ଲାଞ୍ଚ ମାଗିଥିଲେ। ସମ୍ପୃକ୍ତ କଣ୍ଟ୍ରାକ୍ଟର ଏ ସଂକ୍ରାନ୍ତରେ ଭିଜିଲାନ୍ସରେ ଅଭିଯୋଗ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ତେବେ ସୋମବାର ବ୍ଲକ କାର୍ଯ୍ୟାଳୟରେ ବଂଶୀଧରଙ୍କୁ ବିକ୍ରମ ଟଙ୍କା ଦେଇ ଆସିବା ପରେ ବାହାରେ ଥିବା ବ୍ରହ୍ମପୁର ଭିଜିଲାନ୍ସ ଅଧିକାରୀମାନେ ଧରିଥିଲେ। ତାଙ୍କଠାରୁ ୪ ହଜାର ଟଙ୍କା ଜବତ କରିବା ସହିତ ଏ ସଂକ୍ରାନ୍ତରେ ନଂ. ୧୯/୨୨ରେ ଏକ ମାମଲା ରୁଜୁ କରାଯାଇଛି। ଏକକାଳୀନ ଭାବେ ବଂଶୀଧରଙ୍କ ଦୁଇଟି ସ୍ଥାନରେ ଭିଜିଲାନ୍ସ ଅଧିକାରୀମାନେ ଚଢ଼ଉ କରିଛନ୍ତି। ବର୍ତ୍ତମାନ ଚଢ଼ଉ ଜାରି ରହିଥିବାରୁ ସଠିକ ତଥ୍ୟ ଦେବାରେ ବିଳମ୍ବ ହେବ ବୋଲି ଭିଜିଲାନ୍ସ ଅଧିକାରୀମାନେ କହିଛନ୍ତି।