ଅଭିଯୁକ୍ତଙ୍କ ସମ୍ପର୍କୀୟଙ୍କୁ ଧରିବାକୁ ଆସିଥିବାବେଳେ ପୁଲିସକୁ ମାଡ଼ ମାରି ବନ୍ଧୁକ ଲୁଟିନେଲେ ଦୃବୁର୍ତ୍ତ

ତିଗିରିଆ : ସ୍ଥାନୀୟ ପୁଲିସର ସୂଚନା ନ ଦେଇ ଏକ କେସରେ ଅଭିଯୁକ୍ତକୁ ଧରିବା ପାଇଁ ଯାଇଥିବାବେଳେ ଢେଙ୍କାନାଳ ପୁଲିସ ଉପରେ ଆକ୍ରମଣ କରିଛନ୍ତି ଲୋକ | ଏକ ବ୍ୟକ୍ତିଗତ କାରରେ ଢେଙ୍କାନାଳ ପୁଲିସ ତିଗିରିଆ ଥାନା ପଙ୍କାଳ ଗ୍ରାମକୁ ଯାଇଥିବା ବେଳେ ନୂଆପାଟଣା ବଜାର ରାସ୍ତାରେ ଉତ୍ତେଜନା ଦେଖାଦେଇଛି | କିଛି ଦୃବୁର୍ତ୍ତ ପୁଲିସକୁ ମାଡ ମାରିବା ସହ ପୁଲିସଠାରୁ ବନ୍ଧୁକ ଛଡାଇ ନେଇଛନ୍ତି। ଘଟଣାସ୍ଥଳରେ ତିଗିରିଆ ପୁଲିସ ପହଞ୍ଚି ପୁଲିସ କର୍ମଚାରୀଙ୍କୁ ଉଦ୍ଧାର କରିଛି |

ମିଳିଥିବା ସୂଚନା ମୁତାବକ ଢେଙ୍କାନାଳ ସଦର ଥାନାର ସବ-ଇନ୍ସପେକ୍ଟର ଚନ୍ଦ୍ରକାନ୍ତ ସେଠି ଏକ ମାମଲାରେ ଜଣେ ଯୁବକକୁ ଧରିବା ପାଇଁ ପଙ୍କାଳ ଗ୍ରାମର ପୁଅର ସମ୍ପର୍କୀୟଙ୍କ ଘରେ ଚଢାଉ କରିଥିଲେ । ସେହି ଗାଁରୁ ଫେରୁଥିବାବେଳେ ନୂଆପାଟଣା ବଜାରଠାରେ ପୁଅର ଦୂର ସମ୍ପର୍କୀୟ ଭାଇକୁ ପୁଲିସ ଉଠାଇ ନେଉଥିବାବେଳେ ସ୍ଥାନୀୟ ଲୋକ ବିରୋଧ କରିବା ସହ ଉତ୍ତେଜନା ଦେଖାଦେଇଥିଲା । ଘଟଣାସ୍ଥଳରେ ପୁଲିସ ସହ ଧସ୍ତାଧସ୍ତି ହେବା ଫଳରେ ସବଇନ୍ସପେକ୍ଟର ଚନ୍ଦ୍ରକାନ୍ତ ସେଠି ଆହତ ହେବା ସହ ତାଙ୍କର ବନ୍ଧୁକ କେହି ଛଡାଇ ନେଇଥିବା ଜଣାପଡିଛି। ଘଟଣାସ୍ଥଳରେ ଆଠଗଡ ଏସଡ଼ିପିଓ ବିଜୟ କୁମାର ବିଶି ପହଞ୍ଚି ତଦନ୍ତ ଚଳାଇଛନ୍ତି।