ବାଲିଅନ୍ତା: ବାଳକାଟି ଫାଣ୍ଡି ପୁଲିସ ଆଜି ଏକ ସ୍ବୟଂ ସହାୟିକା ମହିଳା ଗୋଷ୍ଠୀର ମହିଳାଙ୍କୁ ମାଡ଼ ମାରିବା ମାମଲାରେ ଆଜି ଉକ୍ତ ଫାଣ୍ଡି ପୁଲିସ ଜଣେ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତ ହେଲେ ରାୟଗୁରୁ ବାସୁଦେଇପୁର ଗ୍ରାମର ନିରଞ୍ଜନ ରାଉତ (୪୫) ।

Advertisment

ନିରଞ୍ଜନଙ୍କ ବିରୋଧରେ ସୁଲୋଚନା ଭୋଇ ଲିଖିତ ଅଭିଯୋଗ କରିଥିଲେ । ସୁଲୋଚନାଙ୍କ ଅଭିଯୋଗକୁ ଭିତ୍ତିକରି ଥାନାରେ ନଂ ୩୦୧/୨୦ ରେ ଏକ ମାମଲା ରୁଜୁ ହୋଇଛି । ପ୍ରାପ୍ତ ସୂଚନା ଅନୁଯାୟୀ ଗତକାଲି ଅପରାହ୍ନରେ  ଗ୍ରାମରେ ମୁଗ ବିରି ବିହନ ବଣ୍ଟନ ବେଳେ ସୁଲୋଚନା ଓ ନିରଞ୍ଜନଙ୍କ ମଧ୍ୟରେ ବିହନ କମ ବେଶିକୁ ନେଇ ପାଟିତୁଣ୍ଡ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ନିରଞ୍ଜନ ଉପସ୍ଥିତ ଲୋକଙ୍କ ଆଗରେ ସୁଲୋଚନାଙ୍କୁ ମାଡ଼ ମାରିଥିଲେ । ଏନେଇ ଗ୍ରାମରେ ତୀବ୍ର ଉତ୍ତେଜନା ପ୍ରକାଶ ପାଇଥିଲା । ଏସଂପର୍କରେ ସ୍ଥାନୀୟ ଲୋକ ପୁଲିସ କଣ୍ଟ୍ରୋଲ ରୁମକୁ ଫୋନ କରି ଜଣାଇଥିଲେ । ଖବର ପାଇ ଫାଣ୍ଡି ପୁଲିସ ଘଟଣାସ୍ଥଳରେ ପହଞ୍ଚି ଏହାର ତଦନ୍ତ କରିଥିଲା ।