ଡାଲା ଅଟୋ ଓଲଟି ୪ ଗୁରୁତର, ୪ ଆହତ

ରାଇରଙ୍ଗପୁର: ଡାଲା ଅଟୋ ଓଲଟି ୪ ଜଣ ଗୁରୁତର ହେବା ସହ ଅନ୍ୟ ଚାରି ଆହତ। ସୂଚନା ଅନୁଯାୟୀ ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗାଁ ନିକଟରେ ଖନ୍ତ ଗ୍ରାମର ମୋଟ ୮ ଜଣ ଏକ ମାଲବାହୀ ଅଟୋରେ ଗୋରୁମହିଷାଣି ଦିଗକୁ ଯାଉଥିବା ସମୟରେ ନୁରୁବାଦଡା ଗାଁ ନିକଟରେ ଭାରସାମ୍ୟ ହରାଇ ଓଲଟି ପଡିଥିଲା। ଚାଳକ ଘଟଣାସ୍ଥଳରୁ ଖସି ପଳାଇଥିଲା ।

ଗ୍ରାମବାସୀମାନେ ଗୁରୁତରମାନଙ୍କୁ ଉଦ୍ଧାର କରି ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ଅଟୋରେ ଯାଉଥିବା ବାସନ୍ତୀ ସିଂ(୮), ରନ୍ଦାଏ ନାୟକ(୧୮), ଶୁଭଶ୍ରୀ ରାଓ (୮), ସୀତା ଲୋହାର(୮)ଙ୍କ ଅବସ୍ଥା ଗୁରୁତର ଥିବାବେଳେ ଅନ୍ୟ ଚାରି ଜଣ ସାମାନ୍ୟ ଆହତ ହୋଇଥିବା ଜଣାପଡିଛି। ଖବର ପାଇ ରାଇରଙ୍ଗପୁର ଗ୍ରାମାଞ୍ଚଳ ଥାନା ପୁଲିସ ଘଟଣାସ୍ଥଳକୁ ଯାଇ ଦୁର୍ଘଟଣାଗ୍ରସ୍ତ ଅଟୋକୁ ଜବତ କରିଛନ୍ତି ।