କନ୍ଧମାଳ: ଗ୍ରାମାଞ୍ଚଳରେ କରୋନା ସଚେତନତା, ମାସ୍କ ଓ ସାବୁନ୍ ବାଣ୍ଟିଲା ରାଷ୍ଟ୍ରୀୟ ମଜଦୁର କଂଗ୍ରେସ
ଫୁଲବାଣୀ: କନ୍ଧମାଳର ଗ୍ରାମାଞ୍ଚଳରେ ସଚେତନତା ବାର୍ତ୍ତା ବାଣ୍ଟିଲା ଶ୍ରମିକ ସଂଗଠନ ରାଷ୍ଟ୍ରୀୟ ମଜଦୁର କଂଗ୍ରେସ। ଆଜି ସଂଗଠନ ପକ୍ଷରୁ ଫିରିଙ୍ଗିଆ ବ୍ଳକ ଜାର୍ଗିପଦର ଗାଁରେ କରୋନା କରୋନା ସଚେତନତା କରାଯାଇଛି। କରୋନା ଭୟାବହତା ଓ ଏଥିରୁ ମୁକ୍ତି ନିମନ୍ତେ ହାତକୁ ବାରମ୍ବାର ସାବୁନରେ ଧୋଇବା, ଜରୁରୀ କାମ ନଥିଲେ ପଦାକୁ ନ ବାହାରିବା, ଥଣ୍ଡା ହୋଇଥିଲେ ମୁହଁରେ ମାସ୍କ ପିନ୍ଧିବା, ଗହଳି ସ୍ଥାନକୁ ନ ଯିବା ନେଇ ଗ୍ରାମବାସୀଙ୍କୁ ବିଶିଷ୍ଟ ଶ୍ରମିକ ନେତା ତଥା ରାଷ୍ଟ୍ରୀୟ ମଜଦୁର କଂଗ୍ରେସ ଜିଲ୍ଲା ସଭାପତି ଘନ କୁମାର ଶବର ସଚେତନ କରାଇଥିଲେ।
Sambad is now on WhatsApp
Join and get latest news updates delivered to you via WhatsApp
ବିଶେଷତଃ ଶ୍ରମିକ ଶ୍ରେଣୀୟ ଲୋକଙ୍କୁ ଫୋକସ୍ କରାଯାଇଥିଲା। ଶେଷରେ ସଂଗଠନ ପକ୍ଷରୁ ସମସ୍ତ ଗ୍ରାମବାସୀଙ୍କୁ ମାସ୍କ ଓ ସାବୁନ ବଣ୍ଟନ କରାଯାଇଥିଲା। ଏହି ସମୟରେ ତହସିଲଦାର ପୁନମ ରାଉତ ଉପସ୍ଥିତ ଥିଲେ। ସଂଗଠନର ଏଭଳି କାର୍ଯ୍ୟକୁ ଗାମବାସୀ ପ୍ରଶଂସା କରିଥିଲେ। କାର୍ଯ୍ୟକ୍ରମ ପାଇଁ ସମାଜସେବୀ ହେମନ୍ତ କୁମାର କର ସହାୟତା କରିଥିଲେ। ସଂଗଠନର ବ୍ଳକ ସଭାପତି ଅକ୍ଷୟ କର୍ଣ୍ଣ ଓ ଯୁବ ସମାଜସେବୀ ସନ୍ତୋଷ ପାତ୍ର କାର୍ଯ୍ୟକ୍ରମରେ ସହଯୋଗ କରିଥିଲେ।
କଟକଣାକୁ ଖାତିର ନାହିଁ: ବାହାର ଜିଲ୍ଲାର ୨ ଜଣଙ୍କୁ ବାନ୍ଧିଲା ପୁଲିସ
କରୋନା ପାଇଁ କନ୍ଧମାଳ ଜିଲ୍ଲାର ସବୁ ପ୍ରବେଶ ପଥ ସିଲ କରାଯାଇଛି। ହେଲେ ଏଭଳି କଟକଣା ଓ ସତର୍କତାକୁ ଅଧିକାଂଶ ମାନୁ ନାହାନ୍ତି। ବିନା ଅନୁମତିରେ ବାହାର ଜିଲ୍ଲାରୁ କନ୍ଧମାଳକୁ ପଳାଇ ଆସୁଛନ୍ତି। କନ୍ଧମାଳରୁ ମଧ୍ୟ ବାହାର ଜିଲ୍ଲାକୁ ଲୁଚିଛପି ପଳାଇ ଯାଉଛନ୍ତି। ନୟାଗଡ ଜିଲ୍ଲା ଦଶପଲ୍ଲା ଅଞ୍ଚଳର ୨ ଜଣ ଯୁବକ ଆଜି ବିନା ଅନୁମତିରେ ଜିଲ୍ଲାକୁ ଅନୁପ୍ରବେଶ ଯୋଗୁଁ ସେମାନଙ୍କୁ ଚକାପାଦ ପୁଲିସ ଗିରଫ କରିଛି। କେଶ ନଂ ୧୬/୨୦୨୦ରେ ପୁଲିସ ମାମଲା ରୁଜୁ କରି ତଦନ୍ତ ଚଳାଇଛି।